Wehrmacht

La Wehrmacht es lo nom portat per lei fòrças armadas alemandas de mai de 1935 a aost de 1946. Distinta de la SS que dispausava de mejans militars pròpris^[1], es eissida de la Reichswehr, l'armada enquadrada per lo Tractat de Versalhas. Compreniá quatre brancas principalas qu'èran la Heer (fòrças terrèstras), la Kriegsmarine (marina militara), la Luftwaffe (fòrças aerianas) e l'Abwehr (entresenha militar). Promovent de doctrinas modèrnas d'emplec deis armaments blindats e aerians e menada per d'oficiers ben formats, enregistrèt de succès importants durant la Segonda Guèrra Mondiala (1939-1945). Pasmens, maugrat d'efectius aguent agantat 12,1 milions d'òmes, foguèt vencuda per lei fòrças combinadas de la Granda Aliança. Après lo conflicte, foguèt dissouguda per son ròtle dins lei crimes dau III^en Reich.

Ensenha de la Wehrmacht.

Liames intèrnes

• Fòrças armadas alemandas.
• Nazisme.
• Segonda Guèrra Mondiala.
• SS.

Bibliografia

• (fr) Omer Bartov (trad. Jean-Pierre Ricard), L'Armée d'Hitler : la Wehrmacht, les nazis et la guerre, Hachette Littératures, coll. « Pluriel. Histoire », 1999.
• (fr) Jean Lopez (dir.), La Wehrmacht - La fin d'un mythe, Perrin, 2019.