ପେଟେକିଆ

ପେଟେକିଆ (ଇଂରାଜୀ ଭାଷାରେ petechiae) ଏକ ପ୍ରକାର ଲାଲ କିମ୍ବା ବାଇଗଣୀ ରଙ୍ଗର ଦାଗ ଯାହାର ଆକାର ୨ମିମିରୁ କମ୍ ଥାଏ ଓ ଏହା ଚର୍ମରେ ଥିବା ଭଙ୍ଗା କାପିଲାରି ରକ୍ତନଳୀରୁ ସାମାନ୍ୟ ରକ୍ତସ୍ରାବ ଯୋଗୁ ଜାତ ହୁଏ । ^{[୧] [୩]} ଏହି ଦାଗକୁ ଚିପିଲେ ଧଳା ହୁଏନାହିଁ | ^[୨] କାଶ ଏବଂ ବାନ୍ତି ଯୋଗୁ ହେଉଥିବା ପେଟେକିଆ କେବଳ ସ୍ତନାଗ୍ର ରେଖା ଉପରେ ଦେଖାଥାଏ | ^[୨]

Petechiae
Petechia
Petechia and purpura on the low limb due to medication-induced vasculitis
ଉଚ୍ଚାରଣ	petechia /pɪˈtiːkiə/ petechiae /pɪˈtiːkiiː/
ବିଭାଗ	Rheumatology
ଲକ୍ଷଣ	Red spots less than 2 mm[୧]
କାରଣ	Infections: Enterovirus, Dengue, meningococcal disease[୨] Injury: Non accidental trauma, coughing, vomiting[୨] Blood disorders Leukemia, idiopathic thrombocytopenia purpura[୨] Other Henoch-Schonlein purpura, Ehlers-Danlos syndrome, drug reactions, vitamin K deficiency[୨]
ସଠିକ ରୋଗ ନିର୍ଣ୍ଣୟ	Purpura, ecchymosis, hematoma[୨][୩]
ପୁନଃପୌନିକ	Common[୨]

ରୋଗର କାରଣ: ଏଣ୍ଟେରୋଭୁତାଣୁ, ଡେଙ୍ଗୁ, କିମ୍ବା ମେନିଙ୍ଗୋକୋକାଲ ରୋଗ; ସାଧାରଣ ଆଘାତ (ଦୁର୍ଘଟଣା ଯୋଗୁ ନୁହେଁ), କାଶ, କିମ୍ବା ବାନ୍ତି; ରକ୍ତ ରୋଗ ଯେପରିକି ଲିଉକେମିଆ ଏବଂ ଇଡିଓପାଥିକ ଥ୍ରୋମ୍ବୋସାଇଟିକ ପରପୁରା; ଭାସ୍କୁଲାଇଟିସ ଯେପରିକି ହେନୋକ-ସନଲେନ ପରପୁରା; ସଂଯୋଜକ ତନ୍ତୁ ରୋଗ, ଯେପରିକି ଏହଲର୍ସ-ଡାନଲୋସ୍ ସିଣ୍ଡ୍ରୋମ୍ ; ଔଷଧ ପ୍ରତିକ୍ରିୟା; ଏବଂ ଜୀବସାର କେ ଅଭାବ ଇତ୍ୟାଦି କାରଣମାନଙ୍କ ଯୋଗୁ ଏହି ରୋଗ ହୁଏ | ^[୨] ବିଭିନ୍ନ କାରଣରୁ ଚର୍ମରେ ରକ୍ତସ୍ରାବ ହୁଏ ଯଥା: ଅଳ୍ପ ପ୍ଲାଟେଲଟ, ଅଣକାର୍ଯ୍ୟକାରୀ ପ୍ଲାଟେଲେଟ, ରକ୍ତ ଜମାଟ ବାନ୍ଧିବା ଅସୁବିଧା ଏବଂ ରକ୍ତନଳୀ ଅଖଣ୍ଡତା ନଥିଲେ ଏହିଭଳି ଅସୁବିଧା ହୁଏ | ^[୨]

ଚର୍ମରେ ହେଉଥିବା ତିନି ପ୍ରକାରର ରକ୍ତସ୍ରାବ ମଧ୍ୟରୁ ପେଟେକିଆ ଅନ୍ୟତମ, ଅନ୍ୟ ଦୁଇଟି ହେଉଛି ପରପୁରା ଓ ଏକିମୋସିସ ବା ବ୍ରୁଇ | ^[୪] ପୁରପୁରାର ବ୍ୟାସ ୨-୧୦ ମିଲିମିଟର ହୋଇଥିବାବେଳେ ଏକିମୋସିସ ୧ ସେଣ୍ଟିମିଟରରୁ ବଡ଼ ବୋଲି ବ୍ୟାଖ୍ୟା କରାଯାଇଛି | ^{[୩] [୧]} ଏହାର ବିପରୀତ ହେଉଛି ହେମାଟୋମା ଯେଉଁଥିରେ ବ୍ରୁଇ ଗଭୀର ଥାଏ | ^[୩]

ମୂଳ କାରଣ ଉପରେ ଚିକିତ୍ସା ନିର୍ଭର କରେ | ^[୨] ଏଥିରେ କେବଳ ଆଶ୍ୱାସନାଠାରୁ ଆରମ୍ଭ କରି ଶିରାଭ୍ୟନ୍ତର ଆଣ୍ଟିବାୟୋଟିକ କିମ୍ବା ହସ୍ପିଟାଲ୍ ଆଡମିଶନ ମଧ୍ୟ ଆବଶ୍ୟକ ହୋଇପାରେ | ^[୨] ପେଟେକିଆ ଏକ ସାଧାରଣ ରୋଗ ଅଟେ | ^[୨] ଶିଶୁଙ୍କ ଜରୁରୀକାଳୀନ ବିଭାଗକୁ ଯାଉଥିବା ରୋଗୀଙ୍କ ମଧ୍ୟରୁ ପ୍ରାୟ ୨.୫% ପିଲା ଏହି ରୋଗ ଯୋଗୁ ଯାଆନ୍ତି । ^[୨] ପ୍ରଥମେ ୧୮୫୫ ମସିହାରେ ଅଗଷ୍ଟ ଆମ୍ବ୍ରୋଏସ ଟାର୍ଡ଼ିୟୁ ଏହି ରୋଗ ବିଷୟ ବର୍ଣ୍ଣନା କରିଥିଲେ | ^[୫] ଲାଟିନ୍ ଭାଷାରୁ ଉତ୍ପନ୍ନ ଏହି ଶବ୍ଦର ଅର୍ଥ ସ୍ପଟ୍ ବା ଦାଗ | ^[୬]