Рацъ

Рацъ, вариант: Рацъгом^[1] (гуырдз. რაჭა, [рачъа]) у Гуырдзыстоны хъæууон историон бæстæ Рионы доны уæлкæлæны. Æрбынат кодта Рацъ-Лечхум æмæ Дæллаг Сарийы регионы. Йæ сæйраг сахар у Он.

Гуырдзиаг адæмы субэтникон къорды тыххæй кæс: Рацъæттæ.

Рацъ რაჭა
Хъиб
Картæ
Рацъ Гуырдзыстоны картæйыл (Гуырдзыстоны конституцимæ гæсгæ)

Уым цæрынц рацъæттæ (гуырдзыйы дæлкъорд), Оны ма цæрынц дзуттæгтæ (уирæгтæ) (гуырдзиаг дзуттæгтæ).

Цæгат-ныгуылæны Рацъ арæн кæны Сари æмæ Лечхумимæ; цæгат-скæсæны та Кавказы сæйраг рагъæй хицæнгонд у Цæгат Ирыстонæй. Йæ хуссары ис Рацъы хохы рагъ, уый фæстейы æрбынат кодта Имерет. Скæсæны æмарæн у Хуссар Ирыстонимæ.

Истори

Раджы уым уыдис æлдарад (Рацъы ерыстауад), уыдис Имереты паддзахады дæлбар. 1465-æм азæй 1769-æм азы онг уым хицауиуæг кодтой ерыстаутæ Чхеидзетæ. Рацъ 1810-æм азы бахауд Уæрæсейы империйы скондмæ. Ацы рæстæджы уый уыди Кутаисы губернæйы уезд.

Гуырдзыстоны административон-территориалон дихмæ гæсгæ Рацъ хауди Рацъ-Лечхум æмæ Дæллаг Сарийы регионы Он æмæ Амбролауры районтæм. Рацъы дæр ис Хванчъкъарайы хъæу, «Хванчъкъарайы» сæн кæм кæнынц.

Литературæ

• Цуциты А. А. Атлас этнополитической истории Кавказа (1774-2004), М.: "Европа", 2006. ISBN 5-9739-0045-2 (уырыс.)