Сечъынатæ

Сечъынатæ, дыгуронау Секъинатæ^[1] (уырыс. Секинаевы) сты дыгурон мыггаг.

Равзæрд

Секъинаты мыггаджы тыххæй ис таурæгъ, зæгъгæ, дам, раджы кæддæр Хъуды комæй, Ганисы хъæуæй цардагур рацыдысты цыппар æфсымæры: Секъина, Хъыбыз, Къобал æмæ Фæтдзæр. Фæзылдысты Цæгат Ирыстоны кæмтты, уыдысты Уæлладжыры комы, уый фæстæ та æрбафтыдысты Дыгуры коммæ дæр, æрцардысты ам: Хъыбыз — Уæллагкомы, Дымтыхъæуы; Секъина — Къабусы, Къаматы; Къобал æмæ Фæтдзæр æрцардысты Æддаг Къаматы. Ам устытæ ракуырдтой, алкæмæндæр сæ фæзынд бинонтæ. Сæ мыггæгтæ сæ нæмттæм гæсгæ ныффыстой æмæ Дыгургомы фæзынди мыггæгтæ: Дымты — Хъыбызтæ, Секъинатæ, Къобалтæ. Фæтдзæртæ та — Къаматы хъæуы.