ਔਗਿਸਟ ਕੌਂਟ

ਔਗਿਸਟ ਕੌਂਟ (Auguste Comte, ਫ਼ਰਾਂਸੀਸੀ: [oɡyst kɔ̃t] - 17 ਜਨਵਰੀ 1798 – 5 ਸਤੰਬਰ 1857) ਇੱਕ ਫਰਾਂਸੀਸੀ ਵਿਚਾਰਕ ਸੀ। ਉਹ ਸਮਾਜ ਸ਼ਾਸਤਰ ਦੇ ਸੰਸਥਾਪਕਾਂ ਵਿੱਚੋਂ ਇੱਕ ਹੈ। ਇਸੇ ਕਾਰਨ ਉਸ ਨੂੰ ਸਮਾਜ ਸ਼ਾਸਤਰ ਦਾ ਪਿਤਾ ਮੰਨਿਆ ਜਾਂਦਾ ਹੈ। ਉਸ ਨੇ ਪ੍ਰਤੱਖਵਾਦ (ਪਾਜਿਟਿਵਿਜਮ) ਦੇ ਵਿਚਾਰ ਦਾ ਪ੍ਰਤੀਪਾਦਨ ਕੀਤਾ।.^[2] ਉਸ ਨੇ ਵਿਗਿਆਨ ਅਧਾਰਿਤ ਆਪਣੀ ਦਾਰਸ਼ਨਿਕ ਪ੍ਰਣਾਲੀ ਨਾਲ ਤਤਕਾਲੀਨ ਆਧੁਨਿਕ ਉਦਯੋਗਕ ਸਮਾਜ ਲਈ ਉਚਿਤ ਰਾਜਨੀਤਕ ਅਤੇ ਸਮਾਜਕ ਵਿਵਸਥਾ ਨੂੰ ਠੀਕ ਕਰਨ ਦੀ ਕੋਸ਼ਿਸ਼ ਕੀਤੀ।

ਔਗਿਸਟ ਕੌਂਟ
Auguste Comte by Tony Touillon.
ਜਨਮ	(1798-01-19)19 ਜਨਵਰੀ 1798 ਮਾਂਟਪੇਲੀਅਰ, ਫ਼ਰਾਂਸ
ਮੌਤ	5 ਸਤੰਬਰ 1857(1857-09-05) (ਉਮਰ 59) ਪੈਰਿਸ, ਫ਼ਰਾਂਸ
ਰਾਸ਼ਟਰੀਅਤਾ	ਫ਼ਰਾਂਸੀਸੀ
ਮੁੱਖ ਵਿਚਾਰ	ਪ੍ਰਤੱਖਵਾਦ, ਤਿੰਨ ਪੜਾਵਾਂ ਦਾ ਸਿਧਾਂਤ, ਵਿਸ਼ਵਕੋਸ਼ੀ ਨਿਯਮ, altruism
ਪ੍ਰਭਾਵਿਤ ਕਰਨ ਵਾਲੇ Henri de Saint-Simon
ਪ੍ਰਭਾਵਿਤ ਹੋਣ ਵਾਲੇ ਐਮਿਲ ਲਿੱਤਰ, ਕਾਰਲ ਮਾਰਕਸ, ਜੌਨ ਸਟੂਅਰਟ ਮਿੱਲ, ਫ੍ਰੀਡਰਿਚ ਨੀਤਸ਼ੇ, ਹਰਬਰਟ ਸਪੈਂਸਰ, ਐਮਿਲ ਦੁਰਖੀਮ, ਚਾਰਲਸ ਮੌਰਾਸ।[1] Harriet Martineau, Pierre Laffitte

ਮੁਢਲਾ ਜੀਵਨ ਅਤੇ ਸਿੱਖਿਆ

ਔਗਿਸਟ ਕੌਂਟ ਦਾ ਜਨਮ ਮਾਂਟਪੇਲੀਅਰ, ਫ਼ਰਾਂਸ ਵਿੱਚ ਹੋਇਆ ਸੀ। ਲੀਸ਼ੇ ਜਾਫ਼ਰ ਅਤੇ ਮਾਂਟਪੇਲੀਅਰ ਯੂਨੀਵਰਸਿਟੀ ਵਿੱਚ ਪੜ੍ਹਨ ਦੇ ਬਾਅਦ, ਕੌਂਟ ਪੈਰਿਸ ਦੇ ਇਕੋਲੇ ਪਾਲੀਟੈਕਨਿਕ (École Polytechnique), ਜੋ ਰਿਪਬਲਿਕਨਵਾਦ ਅਤੇ ਪ੍ਰਗਤੀ ਦੇ ਫ਼ਰਾਂਸੀਸੀ ਆਦਰਸ਼ਾਂ ਨਾਲ ਜੁੜੇ ਹੋਣ ਲਈ ਮਸ਼ਹੂਰ ਸੀ, ਵਿੱਚ ਦਾਖਲਾ ਲੈ ਲਿਆ। 1816 ਵਿੱਚ ਇਕੋਲ ਪਾਲੀਟੈਕਨਿਕ ਪੁਨਰਗਠਨ ਲਈ ਬੰਦ ਹੋ ਗਿਆ ਸੀ। ਜਦੋਂ ਇਕੋਲ ਦੁਬਾਰਾ ਖੋਲਿਆ ਗਿਆ, ਉਸਨੇ ਮੁੜ ਦਾਖਲੇ ਦੀ ਬੇਨਤੀ ਨਾ ਕੀਤੀ।