ਕਰਨਾਟਕ ਯੂਨੀਵਰਸਿਟੀ

ਕਰਨਾਟਕ ਯੂਨੀਵਰਸਿਟੀ ਭਾਰਤ ਵਿੱਚ ਕਰਨਾਟਕ ਰਾਜ ਵਿੱਚ ਧਾਰਵਾੜ ਸ਼ਹਿਰ ਵਿੱਚ ਇੱਕ ਰਾਜ ਪੱਧਰੀ ਯੂਨੀਵਰਸਿਟੀ ਹੈ। ਇਸ ਨੂੰ ਅਕਤੂਬਰ 1949 ਵਿੱਚ ਸਥਾਪਿਤ ਕੀਤਾ ਗਿਆ ਸੀ ਅਤੇ ਆਧਿਕਾਰਿਕ ਤੌਰ 'ਤੇ ਮਾਰਚ 1950 ਵਿੱਚ ਉਦਘਾਟਨ ਕੀਤਾ ਗਿਆ ਸੀ। ਇਹ ਕੈਂਪਸ 750 ਏਕੜ (3 ਕਿਮੀ²) ਵਿੱਚ ਫੈਲਿਆ ਹੋਇਆ ਹੈ। ਡੀ. ਸੀ। ਪਵਾਤ 1954 ਤੋਂ 1967 ਤਕ ਪਹਿਲਾ ਅਧਿਕਾਰਿਤ ਵਾਈਸ ਚਾਂਸਲਰ ਸੀ। ਇਸ ਸੰਸਥਾ ਦੇ ਤੇਜ਼ੀ ਨਾਲ ਵਿਕਾਸ ਦਾ ਸਿਹਰਾ ਉਸ ਨੂੰ ਦਿੱਤਾ ਜਾਂਦਾ ਹੈ। 

ਕਰਨਾਟਕ ਯੂਨੀਵਰਸਿਟੀ

ਕਿਸਮ	ਪਬਲਿਕ
ਸਥਾਪਨਾ	1949
ਟਿਕਾਣਾ	ਧਾਰਵਾੜ, ਕਰਨਾਟਕਾ, ਭਾਰਤ 15°26′28.5″N 74°59′2.1″E
ਕੈਂਪਸ	ਸ਼ਹਿਰੀ
ਮਾਨਤਾਵਾਂ	ਯੂਜੀਸੀ
ਵੈੱਬਸਾਈਟ	www.kud.ac.in

ਯੂਨੀਵਰਸਿਟੀ ਦੀ ਮੁੱਖ ਲਾਇਬ੍ਰੇਰੀ

ਯੂਨੀਵਰਸਿਟੀ ਨੂੰ ਯੂਨੀਵਰਸਿਟੀ ਗ੍ਰਾਂਟਸ ਕਮਿਸ਼ਨ ਦੁਆਰਾ "ਉੱਤਮਤਾ ਲਈ ਸੰਭਾਵੀ" ਦੇ ਨਾਲ ਮਾਨਤਾ ਦਿੱਤੀ ਗਈ ਸੀ। ਇਹ ਮੈਸੂਰ ਯੂਨੀਵਰਸਿਟੀ ਤੋਂ ਬਾਅਦ ਕਰਨਾਟਕ ਰਾਜ ਵਿੱਚ ਦੂਜੀ ਸਭ ਤੋਂ ਵੱਡੀ ਯੂਨੀਵਰਸਿਟੀ ਹੈ। ਮਨੀਪਾਲ ਇੰਸਟੀਚਿਊਟ ਆਫ਼ ਟੈਕਨਾਲੋਜੀ ਅਤੇ ਕਸਤੂਰਬਾ ਮੈਡੀਕਲ ਕਾਲਜ ਮਨੀਪਾਲ ਧਾਰਵਾਡ ਵਿਖੇ ਕਰਨਾਟਕ ਯੂਨੀਵਰਸਿਟੀ ਨਾਲ ਸੰਬੰਧਿਤ ਸਨ। ਅਤੇ 1953 ਤੋਂ 1965 ਤੱਕ ਸਾਰੀਆਂ ਡਿਗਰੀਆਂ ਕਰਨਾਟਕ ਯੂਨੀਵਰਸਿਟੀ ਦੁਆਰਾ ਦਿੱਤੀਆਂ ਗਈਆਂ ਸਨ। 

ਜ਼ਿਲ੍ਹਿਆਂ ਦੀ ਕੱਟ ਵੱਢ, ਵੰਡ ਅਤੇ ਇਸ ਖੇਤਰ ਵਿੱਚ ਨਵੀਂਆਂ ਯੂਨੀਵਰਸਿਟੀਆਂ ਦੀ ਸਥਾਪਨਾ ਨੇ ਕਰਨਾਟਕ ਯੂਨੀਵਰਸਿਟੀ ਦੀ ਅਫਿੱਲੀਏਸ਼ਨ ਖੇਤਰ ਨੂੰ ਮੌਜੂਦਾ ਧਾਰਵਾੜ, ਉੱਤਰੀ ਕੰਨੜ, ਹਵੇਰੀ ਅਤੇ ਗਾਦਗ ਜ਼ਿਲ੍ਹਿਆਂ ਤੱਕ ਘਟਾ ਦਿੱਤਾ ਹੈ।

ਪ੍ਰਬੰਧਨ ਪੜ੍ਹਾਈ ਦੀ ਕੌਸਾਲੀ ਇੰਸਟੀਚਿਊਟ 

ਕੌਸਾਲੀ ਇੰਸਟੀਚਿਊਟ ਆਫ ਮੈਨੇਜਮੈਂਟ ਸਟੱਡੀਜ਼ (ਕੇ.ਆਈ.ਐਮ.ਐਸ) ਦੀ ਸਥਾਪਨਾ 1976 ਵਿੱਚ ਮੈਨੇਜਮੈਂਟ ਸਟੱਡੀਜ਼ ਵਿਭਾਗ ਦੇ ਰੂਪ ਵਿੱਚ ਕੀਤੀ ਗਈ ਸੀ।^[1] ਕੇਆਈਐਮਐਸ, ਵਿੱਤ, ਮਾਰਕੀਟਿੰਗ ਅਤੇ ਮਨੁੱਖੀ ਸੰਸਾਧਨਾਂ ਵਿੱਚ ਮੁਹਾਰਤ ਦੇ ਨਾਲ, ਦੋ ਸਾਲਾਂ ਦੇ ਫੁੱਲ-ਟਾਈਮ ਕੋਰਸ ਦਾ ਮਾਸਟਰ ਆਫ਼ ਬਿਜਨਸ ਐਡਮਿਨਿਸਟ੍ਰੇਸ਼ਨ ਆਫ਼ਰ ਕਰਦਾ ਹੈ। ਐਮ ਬੀ ਏ ਦੇ ਕੋਰਸ ਲਈ 60 ਵਿਦਿਆਰਥੀ ਲਏ ਜਾਂਦੇ ਹਨ। ਕੇਆਈਐਮਐਸ ਵੀ ਪੀਐਚ.ਡੀ. ਦੀ ਪੇਸ਼ਕਸ਼ ਵੀ ਕਰਦਾ ਹੈ। ਇਸ ਪ੍ਰੋਗਰਾਮ ਲਈ 16 ਵਿਦਿਆਰਥੀ ਲਏ ਜਾਂਦੇ ਹਨ। 

ਪੋਸਟਗ੍ਰੈਜੂਏਟ ਵਿਭਾਗ

ਯੂਨੀਵਰਸਿਟੀ ਵਿੱਚ ਹੇਠ ਲਿਖੀਆਂ ਫੈਕਲਟੀਆਂ ਹਨ: ਸਾਇੰਸ, ਮੈਨੇਜਮੈਂਟ ਸਟੱਡੀਜ਼ ਅਤੇ ਸੋਸ਼ਲ ਸਾਇੰਸਜ਼। ਮੈਡੀਕਲ ਸਾਇੰਸ ਅਤੇ ਇੰਜਨੀਅਰਿੰਗ ਫੈਕਲਟੀਆਂ ਵੀ ਮੌਜੂਦ ਸਨ ਹਾਲਾਂਕਿ, ਕਰਨਾਟਕ ਸਰਕਾਰ ਨੇ ਮੈਡੀਕਲ ਸਾਇੰਸ ਲਈ ਰਾਜੀਵ ਗਾਂਧੀ ਯੂਨੀਵਰਸਿਟੀ ਆਫ਼ ਹੈਲਥ ਸਾਇੰਸਜ਼ ਅਤੇ ਇੰਜਨੀਅਰਿੰਗ ਲਈ ਵਿਸਵੇਸਵਰੀਆ ਟੈਕਨੋਲੋਜੀਕਲ ਯੂਨੀਵਰਸਿਟੀ ਸਥਾਪਤ ਕੀਤੀ। 

ਸਾਇੰਸ ਵਿਭਾਗ

• ਕੰਪਿਊਟਰ ਸਾਇੰਸ ਵਿਭਾਗ
• ਇਲੈਕਟ੍ਰਾਨਿਕਸ ਵਿਭਾਗ 
• ਫਿਜ਼ਿਕਸ ਵਿਭਾਗ
• ਗਣਿਤ ਵਿਭਾਗ
• ਅੰਕੜਾ ਵਿਭਾਗ
• ਲਾਇਬ੍ਰੇਰੀ ਸਾਇੰਸ ਵਿਭਾਗ
• ਅਪਲਾਈਡ ਜੈਨੇਟਿਕਸ ਵਿਭਾਗ
• ਮਾਈਕਰੋਬਾਇਲਾਜੀ ਅਤੇ ਬਾਇਓਟੈਕਨਾਲੌਜੀ ਵਿਭਾਗ
• ਰਸਾਇਣ ਵਿਭਾਗ
•  ਬਾਟਨੀ ਵਿਭਾਗ
• ਜੀਆਲੋਜੀ ਵਿਭਾਗ
• ਸੇਰੀਕਲਚਰ ਵਿਭਾਗ
• ਜ਼ੂਆਲੋਜੀ ਵਿਭਾਗ
• ਸਮੁੰਦਰੀ ਜੀਵ ਵਿਭਾਗ
• ਸਾਗਰ ਵਿਗਿਆਨ ਵਿਭਾਗ
• ਪਾਲੀਮਰ ਸਾਇੰਸ ਵਿੱਚ ਉੱਤਮਤਾ ਲਈ ਕੇਂਦਰ 
• ਡੀਐਨਏ ਡਾਇਗਨੋਸਟਿਕਸ ਲਈ ਰਿਸਰਚ ਸੈਂਟਰ

ਸਮਾਜਿਕ ਵਿਗਿਆਨ ਵਿਭਾਗ

ਸਿਆਸੀ ਸਾਇੰਸ ਵਿਭਾਗ

• ਸਮਾਜ ਸ਼ਾਸਤਰ  ਵਿਭਾਗ
• ਇਕਨਾਮਿਕਸ ਵਿਭਾਗ
• ਸਿਆਸੀ ਸਾਇੰਸ ਵਿਭਾਗ
• ਕਾਮਰਸ ਵਿਭਾਗ
• ਗਾਂਧੀਵਾਦੀ ਅਧਿਐਨ ਵਿਭਾਗ 
• ਏ ਆਈ ਇਤਿਹਾਸ ਅਤੇ ਏਪੀਗ੍ਰਾਫੀ ਵਿਭਾਗ
• ਕਾਨੂੰਨ ਵਿਭਾਗ
• ਸਿੱਖਿਆ ਵਿਭਾਗ  
• ਮਾਨਵ-ਵਿਗਿਆਨ ਵਿਭਾਗ  
• ਭੂਗੋਲ ਵਿਭਾਗ
• ਜੈਂਡਰ ਸਟੱਡੀਜ਼ ਵਿਭਾਗ
• ਅਪਰਾਧ ਵਿਗਿਆਨ ਅਤੇ ਫੋਰੈਂਸਿਕ ਵਿਗਿਆਨ ਵਿਭਾਗ 
• ਜਨ ਸੰਚਾਰ ਅਤੇ ਪੱਤਰਕਾਰੀ ਦਾ ਵਿਭਾਗ 
• ਮਿਲਟਰੀ ਸਾਇੰਸ ਵਿਭਾਗ
• ਫਿਲਾਸਫੀ ਵਿਭਾਗ 
• ਮਨੋਵਿਗਿਆਨ ਵਿਭਾਗ 
• ਆਬਾਦੀ ਵਿਗਿਆਨ ਵਿਭਾਗ 
• ਸੋਸ਼ਲ ਵਰਕ ਵਿਭਾਗ 
• ਰਿਸਰਚ ਸੈਂਟਰ ਫੌਰ ਵੁਮੈਨਸ ਸਟੱਡੀਜ਼
• ਖੇਡ ਵਿਭਾਗ
• ਸ਼ਹਿਰੀ ਡੀਜ਼ਾਈਨ ਅਤੇ ਯੋਜਨਾ 
• ਇਲੈਕਟ੍ਰਾਨਿਕ ਮੀਡੀਆ ਵਿਭਾਗ

ਪ੍ਰਬੰਧਨ ਸਟੱਡੀਜ਼ ਵਿਭਾਗ

• ਮਾਸਟਰ ਇਨ ਬਿਜਨਸ ਐਡਮਨਿਸਟਰੇਸ਼ਨ
• ਮਾਸਟਰ ਇਨ ਕਾਮਰਸ
• ਮਾਸਟਰ ਇਨ ਕਾਰਪੋਰੇਟ ਸੈਕਰੇਟਰੀਸ਼ਿਪ  

ਐਫੀਲੀਏਟਿਡ ਕਾਲਜ

ਧਾਰਵਾੜ ਦੇ ਜ਼ਿਲ੍ਹਿਆਂ ਵਿੱਚ ਪੇਸ਼ੇਵਰ ਕੋਰਸਾਂ ਦੀ ਪੇਸ਼ਕਸ਼ ਕਰਨ ਵਾਲੇ ਕਾਲਜਾਂ ਨੂੰ ਛੱਡ ਕੇ ਧਾਰਵਾੜ ਸ਼ਹਿਰ ਦੇ ਕਾਲਜ, ਗਦਾਗ, ਹਵੇਰੀ ਅਤੇ ਉੱਤਰੀ ਕੰਨੜ ਆਦਿ ਦੇ ਸਾਰੇ ਕਾਲਜ ਕਰਨਾਟਕ ਯੂਨੀਵਰਸਿਟੀ, ਧਰਵੜ ਨਾਲ ਸੰਬੰਧਿਤ ਹਨ। 

ਧਾਰਵਾੜ ਖੇਤਰ ਵਿੱਚ ਕਰਨਟਕ ਯੂਨੀਵਰਸਿਟੀ ਦੇ ਪੰਜ ਕਾਲਜਾਂ ਨੂੰ ਸੰਘਟਕ ਕਾਲਜ ਕਹਿੰਦੇ ਹਨ। ਪ੍ਰਸ਼ਾਸਨ ਕਰਨਾਟਕ ਯੂਨੀਵਰਸਿਟੀ ਦੇ ਹੱਥ ਹੈ ਹਾਲਾਂਕਿ, ਮਾਨਤਾ ਪ੍ਰਾਪਤ ਕਾਲਜਾਂ ਦਾ ਪ੍ਰਬੰਧਨ ਟਰਸਟ ਕਰਦੇ ਹਨ। ਪ੍ਰੀਖਿਆਵਾਂ, ਪਾਠ ਪੁਸਤਕਾਂ ਅਤੇ ਨਤੀਜੇ ਯੂਨੀਵਰਸਿਟੀ ਦੁਆਰਾ ਕਰਵਾਏ ਜਾਂਦੇ ਹਨ।