ਜਮਨਾਲਾਲ ਬਜਾਜ ਅਵਾਰਡ

ਜਮਨਾਲਾਲ ਬਜਾਜ ਅਵਾਰਡ ਇੱਕ ਭਾਰਤੀ ਪੁਰਸਕਾਰ ਹੈ, ਜੋ ਗਾਂਧੀਵਾਦੀ ਕਦਰਾਂ ਕੀਮਤਾਂ, ਸਮਾਜ ਸੇਵਾ ਅਤੇ ਸਮਾਜਿਕ ਵਿਕਾਸ ਨੂੰ ਉਤਸ਼ਾਹਤ ਕਰਨ ਲਈ ਥਾਪਿਆ ਗਿਆ ਹੈ।^[1] ਬਜਾਜ ਸਮੂਹ ਦੀ ਜਮਨਾਲਾਲ ਬਜਾਜ ਫਾਊਂਡੇਸ਼ਨ ਦੁਆਰਾ 1978 ਵਿੱਚ ਸਥਾਪਿਤ, ਇਹ ਪੁਰਸਕਾਰ ਹਰ ਸਾਲ ਚਾਰ ਸ਼੍ਰੇਣੀਆਂ ਵਿੱਚ ਦਿੱਤਾ ਜਾਂਦਾ ਹੈ, ਅਤੇ ਆਮ ਤੌਰ ਤੇ ਰਾਸ਼ਟਰਪਤੀ, ਉਪ ਰਾਸ਼ਟਰਪਤੀ, ਭਾਰਤ ਦੇ ਪ੍ਰਧਾਨ ਮੰਤਰੀ ਜਾਂ ਕਿਸੇ ਪ੍ਰਮੁੱਖ ਹਸਤੀ ਦੁਆਰਾ ਭੇਂਟ ਕੀਤਾ ਜਾਂਦਾ ਹੈ।^[2] ਵਰਤਮਾਨ ਸਮੇਂ ਰਾਹੁਲ ਬਜਾਜ ਦੀ ਅਗਵਾਈ ਵਾਲੀ ਇਸ ਫਾਊਂਡੇਸ਼ਨ ਦੀ ਸਿਰਜਣਾ 1977 ਵਿੱਚ ਬਜਾਜ ਸਮੂਹ ਦੇ ਬਾਨੀ, ਪਰਉਪਕਾਰੀ ਅਤੇ ਮਹਾਤਮਾ ਗਾਂਧੀ ਦੇ ਨਜ਼ਦੀਕੀ ਸਹਿਯੋਗੀ, ਜਮਨਾਲਾਲ ਬਜਾਜ ਦੀ ਯਾਦ ਵਿੱਚ ਬਣਾਈ ਗਈ ਸੀ।^[3][4] ਪੁਰਸਕਾਰ ਸਮਾਰੋਹ 4 ਨਵੰਬਰ ਨੂੰ ਉਸਦੀ ਜਨਮ ਵਰ੍ਹੇਗੰਢ 'ਤੇ ਹੁੰਦਾ ਹੈ।^[5][6]

ਜਮਨਾਲਾਲ ਬਜਾਜ ਅਵਾਰਡ
ਮਿਤੀ	1978
ਦੇਸ਼	ਭਾਰਤ
ਵੱਲੋਂ ਪੇਸ਼ ਕੀਤਾ	ਜਮਨਾਲਾਲ ਬਜਾਜ ਫਾਊਂਡੇਸ਼ਨ

ਪੁਰਸਕਾਰ

ਪੁਰਸਕਾਰ ਵਿੱਚ ਪ੍ਰਸ਼ੰਸਾ ਪੱਤਰ, ਟਰਾਫੀ ਅਤੇ ਦਸ ਲੱਖ ਰੁਪਏ ਦਾ ਚੈੱਕ ਸ਼ਾਮਲ ਹੈ।^[7] ਇਹ ਚਾਰ ਸ਼੍ਰੇਣੀਆਂ ਵਿੱਚ ਦਿੱਤਾ ਜਾਂਦਾ ਹੈ, ^[8] ਅਰਥਾਤ:

1. ਰਚਨਾਤਮਕ ਕਾਰਜ, 1978 ਵਿੱਚ ਸਥਾਪਿਤ।
2. ਪੇਂਡੂ ਵਿਕਾਸ ਲਈ ਵਿਗਿਆਨ ਅਤੇ ਤਕਨਾਲੋਜੀ ਦੀ ਵਰਤੋਂ, 1978 ਵਿੱਚ ਸਥਾਪਿਤ।
3. ਔਰਤਾਂ ਅਤੇ ਬੱਚਿਆਂ ਦੇ ਵਿਕਾਸ ਅਤੇ ਭਲਾਈ ਲਈ ਸ਼ਾਨਦਾਰ ਯੋਗਦਾਨ, 1980 ਵਿੱਚ ਜਾਨਕੀ ਦੇਵੀ ਬਜਾਜ ਦੀ ਯਾਦ ਵਿੱਚ ਸਥਾਪਤ ਕੀਤਾ ਗਿਆ।
4. ਭਾਰਤ ਤੋਂ ਬਾਹਰ ਗਾਂਧੀਵਾਦੀ ਕਦਰਾਂ ਕੀਮਤਾਂ ਨੂੰ ਉਤਸ਼ਾਹਤ ਕਰਨ ਲਈ ਅੰਤਰਰਾਸ਼ਟਰੀ ਪੁਰਸਕਾਰ, ਜੋ ਕਿ ਵਿਦੇਸ਼ੀ ਕੌਮੀਅਤ ਵਾਲੇ ਵਿਅਕਤੀ ਨੂੰ ਦਿੱਤਾ ਜਾਂਦਾ ਹੈ, ਜੋ ਕਿ 1988 ਵਿੱਚ ਜਮਨਾਲਾਲ ਬਜਾਜ ਦੀ ਜਨਮ ਸ਼ਤਾਬਦੀ 'ਤੇ ਸਥਾਪਿਤ ਕੀਤਾ ਗਿਆ ਸੀ।

ਸ਼੍ਰੀ ਜਮਨਲਾਲ ਬਜਾਜ ਦੀ ਜਨਮ ਸ਼ਤਾਬਦੀ ਮਨਾਉਣ ਲਈ, ਫਾਊਂਡੇਸ਼ਨ ਨੇ 1990 ਵਿੱਚ ਡਾ: ਨੈਲਸਨ ਮੰਡੇਲਾ ਨੂੰ ਇੱਕ ਵਿਸ਼ੇਸ਼ ਪੁਰਸਕਾਰ ਦਿੱਤਾ।^[9]