ਫ਼ਰਗਨਾ ਖੇਤਰ
From Wikipedia, the free encyclopedia
Remove ads
ਫ਼ਰਗਨਾ ਖੇਤਰ (ਉਜ਼ਬੇਕ: Farg‘ona viloyati, ਰੂਸੀ: Ферганская область) ਉਜ਼ਬੇਕਿਸਤਾਨ ਦੇ ਖੇਤਰਾਂ ਵਿੱਚੋਂ ਇੱਕ ਹੈ ਜਿਹੜਾ ਕਿ ਫ਼ਰਗਨਾ ਵਾਦੀ ਦੇ ਦੱਖਣੀ ਹਿੱਸੇ ਵਿੱਚ ਅਤੇ ਦੇਸ਼ ਦੇ ਦੂਰ ਪੂਰਬੀ ਖੇਤਰ ਵਿੱਚ ਪੈਂਦਾ ਹੈ। ਇਸਦੀ ਹੱਦ ਨਮਾਗਾਨ ਅਤੇ ਅੰਦੀਜਾਨ ਖੇਤਰ ਦੇ ਨਾਲ-ਨਾਲ ਕਿਰਗਿਜ਼ਸਤਾਨ ਅਤੇ ਤਾਜਿਕਸਤਾਨ ਨਾਲ ਵੀ ਲੱਗਦੀ ਹੈ। ਇਸ ਖੇਤਰ ਦੀ ਰਾਜਧਾਨੀ ਫ਼ਰਗਨਾ ਸ਼ਹਿਰ ਹੈ ਅਤੇ ਇਸ ਤੋਂ ਇਲਾਵਾ ਇਸ ਖੇਤਰ ਵਿੱਚ ਇਤਿਹਾਸਕ ਕੋਕੰਦ ਸ਼ਹਿਰ ਵੀ ਸਥਿਤ ਹੈ। ਇਸਦਾ ਖੇਤਰਫਲ 6800 ਵਰਗ ਕਿ.ਮੀ. ਹੈ। ਇਸ ਖੇਤਰ ਦੀ ਅਬਾਦੀ ਤਕਰੀਬਨ 2,597,000 ਹੈ ਜਿਸਦਾ 71% ਹਿੱਸਾ ਪਿੰਡਾਂ ਵਿੱਚ ਰਹਿੰਦਾ ਹੈ।[1]
Remove ads
Remove ads
ਜ਼ਿਲ੍ਹੇ
ਫ਼ਰਗਨਾ ਖੇਤਰ 15 ਪ੍ਰਸ਼ਾਸਨਿਕ ਜ਼ਿਲ੍ਹਿਆਂ ਵਿੱਚ ਵੰਡਿਆ ਹੋਇਆ ਹੈ। ਇਸਦੀ ਰਾਜਧਾਨੀ ਫ਼ਰਗਨਾ ਸ਼ਹਿਰ ਹੈ।
Remove ads
ਮੌਸਮ ਅਤੇ ਅਰਥਚਾਰਾ
ਫ਼ਰਗਨਾ ਖੇਤਰ ਦਾ ਮੌਸਮ ਮਹਾਂਦੀਪੀ ਜਲਵਾਯੂ ਦੇ ਅਨੁਸਾਰ ਹੈ ਜਿਸ ਵਿੱਚ ਸਰਦੀਆਂ ਅਤੇ ਗਰਮੀਆਂ ਦੇ ਤਾਪਮਾਨ ਵਿੱਚ ਬਹੁਤ ਫ਼ਰਕ ਹੁੰਦਾ ਹੈ।
ਫ਼ਰਗਨਾ ਖੇਤਰ ਦੀ ਆਰਥਿਕਤਾ ਮੁੱਖ ਤੌਰ 'ਤੇ ਖੇਤੀਬਾੜੀ ਉੱਤੇ ਟਿਕੀ ਹੋਈ ਹੈ, ਜਿਸ ਵਿੱਚ ਕਪਾਹ, ਰੇਸ਼ਮਕੀੜਾ ਪਾਲਣ, ਬਾਗਬਾਨੀ ਅਤੇ ਵਾਇਨ ਬਣਾਉਣਾ ਸ਼ਾਮਿਲ ਹਨ। ਇਸ ਤੋਂ ਇਲਾਵਾ ਗੋਸ਼ਤ ਅਤੇ ਦੁੱਧ ਦੇ ਉਤਪਾਦਨ ਲਈ ਪਸ਼ੂਆਂ ਨੂੰ ਵੀ ਪਾਲਿਆ ਜਾਂਦਾ ਹੈ।
ਕੁਦਰਤੀ ਸਰੋਤਾਂ ਵਿੱਚ ਪੈਟਰੋਲੀਅਮ, ਚੀਕਣੀ ਮਿੱਟੀ ਅਤੇ ਨਿਰਮਾਣ ਕਰਨ ਵਾਲੀਆਂ ਵਸਤਾਂ ਸ਼ਾਮਿਲ ਹਨ।
ਉਦਯੋਗ ਮੁੱਖ ਤੌਰ 'ਤੇ ਤੇਲ ਰਿਫ਼ਾਇਨਰੀ, ਖਾਦ ਅਤੇ ਰਸਾਇਣ, ਕੱਪੜੇ ਅਤੇ ਰੇਸ਼ਮ ਦੀ ਬੁਣਾਈ, ਲਘੂ ਉਦਯੋਗ ਅਤੇ ਪੌਟਰੀ ਨਾਲ ਸਬੰਧਿਤ ਹਨ। ਇਸ ਤੋਂ ਇਲਾਵਾ ਇਹ ਖੇਤਰ ਉਜ਼ਬੇਕ ਦਸਤਕਾਰੀ ਦਾ ਕੇਂਦਰ ਹੈ।
Remove ads
ਦੋਸਤ ਸ਼ਹਿਰ
ਯੌਂਗਿਨ, ਦੱਖਣੀ ਕੋਰੀਆ (2008)
ਇਹ ਵੀ ਵੇਖੋ
- ਫ਼ਰਗਾਨਾ ਵਾਦੀ
- ਉਜ਼ਬੇਕਿਸਤਾਨ
- ਉਜ਼ਬੇਕ ਭਾਸ਼ਾ
- ਉਜ਼ਬੇਕ ਲੋਕ
ਹਵਾਲੇ
Wikiwand - on
Seamless Wikipedia browsing. On steroids.
Remove ads