ਬੀ. ਕੇ. ਐੱਨ. ਛਿੱਬਰ

ਲੈਫਟੀਨੈਂਟ ਜਨਰਲ ਬਖਸ਼ੀ ਕ੍ਰਿਸ਼ਨ ਨਾਥ ਛਿੱਬਰ (ਜਨਮ 10 ਫਰਵਰੀ 1936) ਇੱਕ ਭਾਰਤੀ ਫੌਜੀ ਹੈ ਜਿਸ ਨੇ 18 ਸਤੰਬਰ 1994 ਤੋਂ 27 ਨਵੰਬਰ 1999 ਤੱਕ ਚੰਡੀਗੜ੍ਹ ਦੇ ਪ੍ਰਸ਼ਾਸਕ ਅਤੇ ਪੰਜਾਬ ਦੇ ਰਾਜਪਾਲ ਵਜੋਂ ਵੀ ਸੇਵਾ ਨਿਭਾਈ ਹੈ।^[1][2] 9ਵੀਂ ਗੋਰਖਾ ਰਾਈਫਲਜ਼ ਦੇ ਮੈਂਬਰ ਹੋਣ ਦੇ ਨਾਤੇ ਉਸ ਨੇ ਪਰਮ ਵਿਸ਼ਿਸ਼ਟ ਸੇਵਾ ਮੈਡਲ, ਅਤਿ ਵਿਸ਼ਿਸ਼ਟ ਸੇਵਾ ਮੈਡਲ ਅਤੇ ਵਿਸ਼ਿਸ਼ਟ ਸੇਵਾ ਮੈਡਲ ਦੇ ਤਿੰਨੋਂ ਸ਼ਾਂਤੀ ਸੇਵਾ ਪੁਰਸਕਾਰ ਪ੍ਰਾਪਤ ਕੀਤੇ।^[3]

ਨਿੱਜੀ ਜ਼ਿੰਦਗੀ

ਬਖਸ਼ੀ ਕ੍ਰਿਸ਼ਨ ਨਾਥ ਛਿੱਬਰ ਦਾ ਜਨਮ 10 ਫਰਵਰੀ 1936 ਨੂੰ ਬ੍ਰਿਟਿਸ਼ ਭਾਰਤ (ਮੌਜੂਦਾ ਪੰਜਾਬ, ਪਾਕਿਸਤਾਨ) ਦੇ ਬੂੜੇਵਾਲਾ ਪੰਜਾਬ ਸੂਬੇ ਵਿੱਚ ਮੋਹਿਆਲ ਬ੍ਰਾਹਮਣਾਂ ਦੇ ਛਿੱਬਰ ਕਬੀਲੇ ਵਿੱਚ ਹੋਇਆ ਸੀ। ਵੰਡ ਤੋਂ ਬਾਅਦ 1947 ਵਿੱਚ ਉਸਦਾ ਪਰਿਵਾਰ ਮੌਜੂਦਾ ਭਾਰਤ ਵਿੱਚ ਆ ਗਿਆ। ਉਸਦਾ ਵਿਆਹ ਰਾਮਾ ਛਿੱਬਰ ਨਾਲ ਹੋਇਆ ਸੀ ਜਿਸਦੀ ਮੌਤ ਜਨਵਰੀ 2018 ਵਿੱਚ 78 ਸਾਲ ਦੀ ਉਮਰ ਵਿੱਚ ਹੋ ਗਈ ਸੀ। ਉਨ੍ਹਾਂ ਦਾ ਇੱਕ ਪੁੱਤਰ ਅਤੇ ਇੱਕ ਧੀ ਹੈ।^[4]

ਕਰੀਅਰ

ਛਿੱਬਰ ਨੇ ਦਸੰਬਰ 1956 ਵਿੱਚ ਇੰਡੀਅਨ ਮਿਲਟਰੀ ਅਕੈਡਮੀ, ਦੇਹਰਾਦੂਨ ਤੋਂ ਗ੍ਰੈਜੂਏਸ਼ਨ ਕੀਤੀ ਅਤੇ ਬਾਅਦ ਵਿੱਚ ਗੋਰਖਾ ਰਾਈਫਲਜ਼ ਵਿੱਚ ਸ਼ਾਮਲ ਹੋ ਗਿਆ। ਉਸਨੇ ਅਗਸਤ 1964 ਤੋਂ ਦਸੰਬਰ 1967 ਤੱਕ ਰਾਇਲ ਭੂਟਾਨ ਆਰਮੀ ਦੇ ਰੱਖਿਆ ਸਲਾਹਕਾਰ ਵਜੋਂ ਵੀ ਸੇਵਾ ਨਿਭਾਈ ਅਤੇ 1967 ਵਿੱਚ ਭੂਟਾਨ ਦੁਆਰਾ ਉਨ੍ਹਾਂ ਦੀਆਂ ਸੇਵਾਵਾਂ ਲਈ ਉਗੇਨ ਥੋਗਿਆਲ ਮੈਡਲ ਨਾਲ ਸਨਮਾਨਿਤ ਕੀਤਾ ਗਿਆ।^[5]

ਛਿੱਬਰ ਨੇ 2009 ਦੀਆਂ ਭਾਰਤੀ ਆਮ ਚੋਣਾਂ ਵਿੱਚ ਅੰਮ੍ਰਿਤਸਰ ਤੋਂ ਬਹੁਜਨ ਸਮਾਜ ਪਾਰਟੀ ਦੀ ਨੁਮਾਇੰਦਗੀ ਕਰਕੇ ਲੜੀਆਂ ਸਨ ਪਰ ਉਹ ਭਾਰਤੀ ਜਨਤਾ ਪਾਰਟੀ ਦੇ ਕ੍ਰਿਕਟਰ ਤੋਂ ਸਿਆਸਤਦਾਨ ਬਣੇ ਨਵਜੋਤ ਸਿੰਘ ਸਿੱਧੂ ਤੋਂ ਹਾਰ ਗਿਆ ਸੀ।^[6]