ਮਨ ਮਾਇਲ

ਮਨ ਮਾਇਲ (Urdu: من مائل ; lit: Heart Attracted ; (ਪਹਿਲਾਂ ਇਸ ਦਾ ਨਾਂ ਤੇਰਾ ਗ਼ਮ ਔਰ ਹਮ ਅਤੇ ਫਿਰ ਦਿਲ-ਏ-ਜਾਨਮ ਵੀ ਰੱਖਿਆ ਗਿਆ ਸੀ।^[1]) ਇੱਕ ਪਾਕਿਸਤਾਨੀ ਡਰਾਮਾ ਹੈ। ਇਸਦਾ ਪ੍ਰਸਾਰਣ ਹਮ ਟੀਵੀ ਉੱਪਰ 25 ਜਨਵਰੀ 2016 ਤੋਂ ਸ਼ੁਰੂ ਹੋਇਆ।^[2][3] ਇਸ ਡਰਾਮੇ ਦੀ ਕਹਾਣੀ ਮਨਾਹਿਲ (ਇੱਕ ਕਾਲਜ ਵਿਦਿਆਰਥਣ) ਅਤੇ ਸਲਾਹੁੱਦੀਨ ਜੋ ਕਿ ਇੱਕ ਗੰਭੀਰ ਕਿਸਮ ਦਾ ਵਿਅਕਤੀ ਹੈ, ਦੀ ਪਿਆਰ ਕਹਾਣੀ ਹੈ। ਦੋਵੇਂ ਇੱਕ ਦੂਜੇ ਨੂੰ ਪਿਆਰ ਤਾਂ ਕਰਦੇ ਹਨ ਪਰ ਪਰਿਵਾਰਕ ਝਗੜਿਆਂ ਅਤੇ ਬੰਦਿਸ਼ਾਂ ਦੇ ਚੱਲਦੇ ਆਪਣੀ ਕਹਾਣੀ ਨੂੰ ਅੰਜਾਮ ਨਹੀਂ ਦੇ ਪਾਉਂਦੇ।^[4]

ਮਨ ਮਾਇਲ ਦਾ ਨਿਰਮਾਣ ਮੋਮਿਨਾ ਦੁਰੈਦ, ਸਨਾ ਸ਼ਾਹਨਵਾਜ, ਸਮੀਨਾ ਹੁਮਾਯੂੰ ਸਈਦ ਅਤੇ ਤਾਰਿਕ ਸ਼ਾਹ ਨੇ ਕੀਤਾ ਹੈ^[5] ਅਤੇ ਇਸਨੂੰ ਸਮੀਰਾ ਫ਼ਜ਼ਲ ਨੇ ਲਿਖਿਆ ਹੈ ਅਤੇ ਹਸੀਬ ਹਸਨ ਨੇ ਨਿਰਦੇਸ਼ਿਤ ਕੀਤਾ ਹੈ।^[6]

ਮਨ ਮਾਇਲ ਦੇ ਵਿੱਚ ਮੁੱਖ ਕਿਰਦਾਰ ਵਜੋਂ ਮਾਇਆ ਅਲੀ ਅਤੇ ਹਮਜ਼ਾ ਅਲੀ ਅੱਬਾਸੀ, ਆਇਸ਼ਾ ਖਾਨ, ਏਮਨ ਖਾਨ ਸ਼ਾਮਿਲ ਹਨ।^[7][8][9] ਡਰਾਮਾ ਹੈਦਰਾਬਾਦ, ਸਿੰਧ ਵਿੱਚ ਬਣਾਇਆ ਗਿਆ ਹੈ। ਇਸਦਾ ਪ੍ਰਸਾਰਣ ਪਾਕਿਸਤਾਨ, UK, USA ਅਤੇ UAE ਵਿੱਚ ਹੋਇਆ।