ਰਾਜੇਸ਼ਵਰੀ ਗਾਇਕਵਾੜ

ਰਾਜੇਸ਼ਵਰੀ ਗਾਇਕਵਾੜ (ਜਨਮ 1 ਜੂਨ 1991) ਭਾਰਤੀ ਕ੍ਰਿਕਟ ਖਿਡਾਰੀ ਹੈ । ਉਸਨੇ 19 ਜਨਵਰੀ 2014 ਨੂੰ ਸ਼੍ਰੀਲੰਕਾ ਦੇ ਖਿਲਾਫ ਇਕ ਰੋਜ਼ਾ ਅੰਤਰਰਾਸ਼ਟਰੀ ਮੈਚ ਨਾਲ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ। ਉਹ ਸੱਜੇ ਹੱਥ ਦੀ ਬੱਲੇਬਾਜ਼ ਹੈ ਅਤੇ ਹੌਲੀ ਖੱਬੇ ਹੱਥ ਦੀ ਆਰਥੋਡਾਕਸ ਦੀ ਗੇਂਦਬਾਜ਼ੀ ਕਰਦੀ ਹੈ। ਉਸਨੇ ਦੱਖਣੀ ਅਫ਼ਰੀਕਾ ਖਿਲਾਫ ਇਕ ਟੈਸਟ ਮੈਚ ਖੇਡਿਆ ਹੈ।^[1]

ਰਾਜੇਸ਼ਵਰੀ ਗਾਇਕਵਾੜ

Gayakwad playing for India during the 2020 ICC Women's T20 World Cup
ਨਿੱਜੀ ਜਾਣਕਾਰੀ
ਪੂਰਾ ਨਾਮ	ਰਾਜੇਸ਼ਵਰੀ ਸ਼ਿਵਾਨੰਦ ਗਾਇਕਵਾੜ
ਜਨਮ	(1991-06-01) 1 ਜੂਨ 1991 (ਉਮਰ 34) ਬਿਜਾਪੁਰ, ਕਰਨਾਟਕ, ਭਾਰਤ
ਬੱਲੇਬਾਜ਼ੀ ਅੰਦਾਜ਼	ਸੱਜੇ-ਹੱਥ ਬੱਲੇਬਾਜ਼
ਗੇਂਦਬਾਜ਼ੀ ਅੰਦਾਜ਼	ਧੀਮੀ ਖੱਬੇ-ਬਾਂਹ ਅਰਥਡੋਕਸ
ਭੂਮਿਕਾ	ਗੇਂਦਬਾਜ਼
ਅੰਤਰਰਾਸ਼ਟਰੀ ਜਾਣਕਾਰੀ
ਰਾਸ਼ਟਰੀ ਟੀਮ	India
ਕੇਵਲ ਟੈਸਟ (ਟੋਪੀ 81)	16 ਨਵੰਬਰ 2014 ਬਨਾਮ ਸਾਉਥ ਅਫਰੀਕਾ
ਪਹਿਲਾ ਓਡੀਆਈ ਮੈਚ (ਟੋਪੀ 109)	19 ਜਨਵਰੀ 2014 ਬਨਾਮ ਸ੍ਰੀਲੰਕਾ
ਆਖ਼ਰੀ ਓਡੀਆਈ	6 ਨਵੰਬਰ 2019 ਬਨਾਮ ਵੇਸਟਇੰਡੀਜ਼
ਪਹਿਲਾ ਟੀ20ਆਈ ਮੈਚ (ਟੋਪੀ 43)	25 ਜਨਵਰੀ 2014 ਬਨਾਮ ਸ੍ਰੀ ਲੰਕਾ
ਆਖ਼ਰੀ ਟੀ20ਆਈ	8 ਮਾਰਚ 2020 ਬਨਾਮ ਆਸਟਰੇਲੀਆ
ਕਰੀਅਰ ਅੰਕੜੇ
ਪ੍ਰਤਿਯੋਗਤਾ WTest WODI WT20I WT20 ਮੈਚ 1 40 24 42 ਦੌੜਾਂ ਬਣਾਈਆਂ – 13 9 33 ਬੱਲੇਬਾਜ਼ੀ ਔਸਤ – 3.25 – 4.12 100/50 –/– 0/0 0/0 0/0 ਸ੍ਰੇਸ਼ਠ ਸਕੋਰ – 5 5* 7 ਗੇਂਦਾਂ ਪਾਈਆਂ 354 2081 491 961 ਵਿਕਟਾਂ 5 67 30 46 ਗੇਂਦਬਾਜ਼ੀ ਔਸਤ 16.0 17.40 17.46 16.56 ਇੱਕ ਪਾਰੀ ਵਿੱਚ 5 ਵਿਕਟਾਂ 0 1 0 0 ਇੱਕ ਮੈਚ ਵਿੱਚ 10 ਵਿਕਟਾਂ 0 0 0 0 ਸ੍ਰੇਸ਼ਠ ਗੇਂਦਬਾਜ਼ੀ 4/54 5/15 3/17 3/10 ਕੈਚਾਂ/ਸਟੰਪ 0/– 8/– 4/– 9/–
ਸਰੋਤ: ESPNcricinfo, 8 ਮਾਰਚ 2020

ਨਿੱਜੀ ਜ਼ਿੰਦਗੀ

ਜਦੋਂ ਉਹ ਲਗਭਗ 18 ਸਾਲਾਂ ਦੀ ਸੀ, ਉਸਨੇ ਕ੍ਰਿਕਟ ਨੂੰ ਗੰਭੀਰ ਰੂਪ 'ਚ ;ਲੈਣਾ ਸ਼ੁਰੂ ਕਰ ਦਿੱਤਾ ਸੀ।  ਉਸ ਦੇ ਪਿਤਾਜੀ ਉਸ ਦੀ ਸਭ ਤੋਂ ਵੱਡੀ ਪ੍ਰੇਰਣਾ ਹਨ ਅਤੇ ਜਿਨ੍ਹਾਂ ਤੋਂ ਉਸਨੂੰ ਉਸ ਨੂੰ ਰਸਮੀ ਕੋਚਿੰਗ ਮਿਲੀ। ਉਸਨੇ ਕਰਨਾਟਕ ਦੀ ਮਹਿਲਾ ਕ੍ਰਿਕਟ ਟੀਮ ਲਈ ਖੇਡਣਾ ਸ਼ੁਰੂ ਕੀਤਾ ਅਤੇ 2014 ਵਿੱਚ ਆਪਣੀ ਅੰਤਰਰਾਸ਼ਟਰੀ ਸ਼ੁਰੂਆਤ ਕੀਤੀ।^[2]

ਆਪਣੀ ਪਹਿਲੀ ਅੰਤਰਰਾਸ਼ਟਰੀ ਲੜੀ ਸ਼੍ਰੀਲੰਕਾ ਦੀ ਮਹਿਲਾ ਰਾਸ਼ਟਰੀ ਕ੍ਰਿਕਟ ਟੀਮ ਖਿਲਾਫ਼ ਟੀ -20^[3] ਤੋਂ ਬਾਅਦ ਗਾਇਕਵਾੜ ਨੇ 2014 ਵਿੱਚ ਆਪਣੇ ਪਿਤਾ ਨੂੰ ਦਿਲ ਦੇ ਦੌਰੇ ਕਾਰਨ ਗਵਾ ਦਿੱਤਾ।^[4]

2017 ਮਹਿਲਾ ਕ੍ਰਿਕਟ ਵਰਲਡ ਕੱਪ ਦੇ ਫਾਈਨਲ ਤੋਂ ਬਾਅਦ ਜਲ ਸਰੋਤ ਮੰਤਰੀ ਐਮ.ਬੀ. ਪਾਟਿਲ ਨੇ 5 ਲੱਖ ਰੁਪਏ ਦੀ ਕਾਰ ਗਿਫਟ ਕੀਤੀ, ਜਿਸ ਨੂੰ ਲੈਣ ਤੋਂ ਉਸਨੇ ਇਨਕਾਰ ਕਰ ਦਿੱਤਾ ਅਤੇ ਕਿਹਾ ਕਿ ਫਿਲਹਾਲ ਉਸਦੀ ਪਹਿਲ ਉਸਦੇ ਪਰਿਵਾਰ ਲਈ ਇੱਕ ਘਰ ਪ੍ਰਾਪਤ ਕਰਨਾ ਹੈ।^[5] ਉਸ ਵਕਤ ਉਹ ਆਪਣੇ ਪਿਤਾ ਦੀ ਮੌਤ ਤੋਂ ਬਾਅਦ ਆਪਣੇ ਪਰਿਵਾਰ ਲਈ ਇਕਲੌਤੀ ਰੋਟੀ ਕਮਾਉਣ ਵਾਲੀ ਸੀ।^[2]

ਅੰਤਰਰਾਸ਼ਟਰੀ ਕ੍ਰਿਕੇਟ

ਗਾਇਕਵਾੜ ਸਾਲ 2017 ਦੇ ਮਹਿਲਾ ਕ੍ਰਿਕਟ ਵਰਲਡ ਕੱਪ ਦੇ ਫਾਈਨਲ ਵਿੱਚ ਪਹੁੰਚਣ ਲਈ ਭਾਰਤੀ ਟੀਮ ਦਾ ਹਿੱਸਾ ਸੀ ਜਿਥੇ ਟੀਮ ਇੰਗਲੈਂਡ ਤੋਂ ਨੌਂ ਦੌੜਾਂ ਨਾਲ ਹਾਰ ਗਈ ਸੀ।^[6][7][8] ਉਸੇ ਵਰਲਡ ਕੱਪ ਟੂਰਨਾਮੈਂਟ ਵਿਚ ਉਸਨੇ ਮਹਿਲਾ ਕ੍ਰਿਕਟ ਵਰਲਡ ਕੱਪ ਦੇ ਇਤਿਹਾਸ ਵਿਚ ਭਾਰਤ ਲਈ ਸਭ ਤੋਂ ਵਧੀਆ ਗੇਂਦਬਾਜ਼ੀ ਦਰਜ ਕੀਤੀ ਸੀ (5/15)।^[9] ਜਨਵਰੀ 2020 ਵਿੱਚ ਉਸ ਨੂੰ ਆਸਟਰੇਲੀਆ ਵਿੱਚ 2020 ਆਈਸੀਸੀ ਮਹਿਲਾ ਟੀ -20 ਵਿਸ਼ਵ ਕੱਪ ਲਈ ਭਾਰਤ ਦੀ ਟੀਮ ਵਿੱਚ ਸ਼ਾਮਿਲ ਕੀਤਾ ਗਿਆ ਸੀ।^[10]