Dayat Atlantic
From Wikipedia, the free encyclopedia
Ipatalos yo pa ya ed salitan Pangasinan. Sarag yon dagdagan o bawasan. Salamat.
Say Atlantiko et komaduan sankabalgan ya dayat, ya manga sakey a kakapat na kabaleg na dalin. Say ngaran na dayat, a nanlapud Griegon mitolohiya, et mankabaliksan na "Dagat na Atlas". Say sankadaanan ya abitlan impangisalaysay ed sayan ngaran et walad The Histories nen Herodotus nen manga 450 B.C. (I 202).
Sayan dayat et walaan na andukey, S-shaped a bassin ya ontutuloy ed bandad amianen-abagatan tan naapag ed North Atlantic tan South Atlantic panamegley na Equatorial Counter Currents diad manga 8° North latitude. Say Atlantiko et mikonektaan ed Pasipiko panamegley na Dayat Arktiko diad amianen tan say Drake Passage diad abalaten. Say Panama Canal so ginawa na too a koneksion na Atlantiko tan Pasipiko. Diad bukig, say linean a mangibiig ed Atlantiko tan dayat Indyano et say 20° East meridian, a manlalapud abalaten manlapud Cape Agulhas anggad Antarctica. Say Atlantiko so nisian ed Artiko na sakey a linya manlapud Greenland ya anggad amianen a sagur na Islandia insan manlapud amianen-bukig na Islandia ya anggad abalaten a sampot na Spitsbergen insan anggad North Cape diad amianen a Norway.[1]
Diad kabaleg to, say Dayat Atlantiko et komadua labat ed Pasipiko. Kaibay asinggeran a dayat to, say sukat to et manga 106,400,000 kilometro kwadrado; no anggapo iratan, say sukat to et 82,400,000 kilometro kwadrado. Say dalin ya onagos ed Atlantiko et apatiran beses a mas baleg nen say Pasipiko odino Indian Ocean. Say kabaleg na Dayat Atlantiko tan saray asingger a dayat et 354,700,000 kilometro kubiko (85,100,000 mi) tan 323,600,000 kilometro kubiko (77,640,000 mi).
Say average a kaaralem na Atlantiko, a pati saray asingger a dayat, et 3,338 metro (10,932 ft); no anggapo iratan et 3,926 metro (12,881 ft). Say sankaaraleman a kaaralem, 8,605 metro (28,232 ft), et diad Puerto Rico Trench. Say kabaleg na Atlantiko et manlalapud 2,848 kilometro (1,770 mi) ed baetan na Brazil tan Liberia anggad manga 4,830 kilometro (3,000 mi) ed baetan na Estados Unidos tan amianen ya Aprika.