University of Santo Tomas
From Wikipedia, the free encyclopedia
Ing Pontifical and Royal University of Santo Tomas, The Catholic University of the Philippines (o kabud namu University of Santo Tomás, Unibersidad ning Ápûng Tomás o UST) metung yang pribadu at Catolicung unibersidad a palakad da reng Order of Preachers king Menila. Metung ya kareng maragul diling unibersidad a Catolicu king yatu king populasiun iti. Mitátag ya kanitang Abril 28, 1611. Daralan ne ing matuang diling charter ning unibersidad a atyu pa king Filipinas.[2] Ing UST murin ing pekamatua ampong pekamaragul a unibersidad king Lakanbalen ning Menila.
University of Santo Tomas | |
Latin: Pontificia et Regalis Sancti Thomæ Aquinatis Universitas Manilana | |
Motto | Veritas in Caritate |
---|---|
Motto in English | Truth in Charity (Pamanintun king Katutwan a Maki Lugud) |
Mitátag | Abril 28, 1611 |
Uri | Pontifical, Royal, Private |
Pamiugneng panrelihyon | Katoliko, Dominikano |
Chancellor | Very Rev. Fr. Bruno Cadoré, OP, S.Th.D |
Vice-Chancellor | Very Rev. Fr. Gerard Francisco P. Timoner III, OP |
Rector | Rev. Fr. Herminio V. Dagohoy, OP |
Secretary General | Rev. Fr. Florentino A. Bolo Jr., OP, JCL |
Magaral | 41,653 (as of 2010)[1] |
Undergraduates | 31,179 |
Lugal | Sampaloc, Menila, Filipinas |
Campus | 21.5 ektarea, Urban |
Former names | Colegio de Nuestra Señora del Santísimo Rosario, Colegio de Santo Tomás de Manila |
Imno | "The UST Hymn" |
Colors | Gintu ampong maputi |
Nickname | Growling Tigers (sadyang "Glowing Goldies") |
Mascot | Tiger |
Ugnayan | ICUSTA, IAU, ASAIHL, UAAP, at aliwa pa. |
Karinan-Aptas (Website) | www.ust.edu.ph |
Bibilugan de reng mapilan a autonomous a pakultad (faculties), kolehiyu, eskuela ampong instituto ing unibersidad, at balang metung kaniti magkalub yang titulu, ampo reng dakeng pamagaral a pang-pundasiun (basic education units). Kikilalanan no ning Commission on Higher Education antimong Sentru ning Kabiasnan (Centers of Excellence) deng mapilan kareng titulu o degree na niti.
Mayayakit ya ing pipagaralan king distritu ning Sampaloc king Menila. Halus eksaktu yang parisukad ing tabas na niting campus, a minunang megamit kanitang 1927, anyang masyadu neng malati para king daragul a bilang dareng magaral itang minunang campus king distritu ning Intramuros. Panigobran ning unibersidad ing pamandagdag campus king Sta. Rosa, Laguna, General Santos Lakanbalen ampong Negombo, Sri Lanka.
Deng athletic team ning UST ila pin deng Growling Tigers, a kayanib king University Athletic Association of the Philippines at maralas sasambut king the Overall Championship. Kayabe la kareng kilalang Tomasino o miyari king UST deng santu, pamuntuk ning Filipinas, bayani, ampong pekapun king relihiun, a maki maulagang papil king amlat ning Filipinas.