University of the East
From Wikipedia, the free encyclopedia
Ing University of the East (UE) metung yang universidad a privadu ampong alang sectang atiu king karinan a University Belt, king distrito ning Sampaloc, Menila, Filipinas. Mitátag ya ing universidad kanitang 1946 antimong institusion a maki lálaki ampong bábai. Ing UE ing mumunang universidad king Asiang maki mágaral a maigit king 60,000 (anam a pulung libu), at meaus yang Largest University in Asia (Pekamaragul a Universidad king Asia) basi king populasiun kanita.[citation needed]
Motto | “In the Service of the Youth, Country and God,” Susuyu king Kayanakan, king Bangsa ampo king Ginu |
---|---|
Mitátag | 1946 |
Uri | Privadu, alang secta |
Talapamuntuk (Chairman) | Lucio C. Tan, Panfilo O. Domingo |
Canciller | Celso D. Benologa |
Pamuntuk | Ester A. Garcia |
Magaral king kolehiyo | maigit 20,000 |
Magaral a postgraduate | maigit 1,500 |
Lugal | Menila, Keragulang Manila, |
Campus | Urban, 38,000 m² |
Imno | Pamantasan Naming Mahal (UE Hymn) |
Kule | Malutu ampong Maputi |
Palayo | UE Red Warriors |
Mascot | Red Warrior |
Kaugne | ASAIHL, IAU, UAAP |
Website/Karinan-Aptas | www.ue.edu.ph |
King maigit nang 60 (anam a pulung banua) ning pamagsilbi, meragul ya at meging metung a privadung universidad a gagalangan da king Filipinas.[1] King salukuyan, miyayampang yang cursu king comerciu (commerce) ampong pamanibala king negociu (business administration), leyi (law), dentistry, engineering, alit ampong siensia (arts and sciences), fine arts, pamanuru (education), computer technology, nursing, physical therapy, medisina (medicine) ampong pamagaral a graduadu (graduate studies). Atin yang aduang extension campus ing University of the East: ing UE Caloocan ampo ing UERM king Quezon Lakanbalen.
Metung ya ing UE kareng walung universidad a kayanib king University Athletic Association of the Philippines (UAAP), nung nu ya kayanib manibat aniang 1952. Ing UE ing meging makiabala (‘’host’’) ketang UAAP Season 69.
Pigkalubanan da lang Level II status ning Philippine Association of Colleges and Universities Commission on Accreditation (PACUCOA) deng mapilang colegiu ning UE - Manila. Kinilala ne ning Commission on Higher Education (CHED) ing Information Technology Department antimong Center of Development in Information Technology Education. [2] Den namang colegiu ning UERMMMC, dininan nong matas a level ning Philippine Accrediting Agency of Schools, Colleges and Universities (PAASCU). Atin yang level II accreditation ing College of Medicine has level II accreditation ampong Innovative Curriculum, at mekilala yang Center of Excellence in Research (Sentru ning Kabiasnan king Pamanialiksik) ning Department of Science and Technology. Ita namang College of Nursing, atin yang level III accreditation king Commission on Higher Education as Centers of Excellence.