Animalnan protehi na Aruba
lista di Wikimedia / From Wikipedia, the free encyclopedia
Animalnan protehi na Aruba ta un lista di 55 especie y clase di animal publica den e ‘Landsbesluit bescherming inheemse flora en fauna op Aruba’.[1] E ley aki tin como meta pa duna proteccion na flora y fauna indigena di Aruba, cu ta sea bao presion di extincion o di cual un presencia duradero ta desea pa su valor ecologico.
- E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.
Vigente desde 15 di augustus 2017 e landsbesluit ta incorpora e sortonan cu ta protehi a base di e Ordenansa pa Proteccion di Naturalesa (Natuurbeschermingsverordening 1995) y e Ordenansa di Medio Ambiente marino (Marien-milieuverordening). Alaves a hunta na esaki e sortonan cu ta resorta bao di e proteccion di e tratado di CITES y e SPAW-protocol.
Supervision y localisacion riba laman y e costanan di Aruba ta encargo di Warda Nos Costa huntu cu Cuerpo Policial Arubano. Mantencion di e reglanan riba tera ta den man di park rangers di Parke Nacional Arikok y e inspectornan di Departamento di Naturalesa y Medio Ambiente (DNM).[2]