Antias Hulandes den Festival OTI
partisipashon na e festival di canto / From Wikipedia, the free encyclopedia
Antias Hulandes su participacion den Festival OTI a keda realisa pa prome biaha den e edicion di 1974, celebrá na Acapulco, na cual ocacion el a wordo representa pa Humberto Nivi cu e tema Quédate. Nivi a termina na e di nuebe luga. Su ultimo participacion tabata na 1998 na San Jose, Costa Rica y a wordo representa pa Fusion Consonante. Di e 28 edicion di Festival OTI teni entre 1972 y 2000, Antias Hulandes a participa na 19 edicion.
- E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.
Partisipante na | Festival OTI |
---|---|
Pais | Antias Hulandes |
Durante e historia di e Festival OTI, Antias Hulandes semper a mantene un participacion discreto - ya cu nunca nan a pasa di e di nuebe luga - y e unico ocacion cu a haña un posicion prominente tabata na 1983, na Washington D.C., cu e cantica En cada nota cantaré di Claudius Philips, cu a alcansa e di cuater luga.[1]
Di otro banda e prestacion menos exitoso tabata e piesa interpreta pa Lidwina Booi, Amor para ti den e edicion di 1980, celebrá na Buenos Aires, Argentina, ya cu e no a haña ni un solo voto entre e 22 pais partisipante. Ademas Trio Huasteca (1978 y 1991), Ced Ride (1977 y 1988), Melania van der Veen (1985 y 1993)[2] y Humberto Nivi (1974 y 1992), tabata artistanan cu a ripiti participacion den e festival y, curiosamente, cu dos edicion cada un.
Antias Hulandes nunca a organisa un edicion internacional di e festival y no a participa na e edicionnan di 1972, 1973, 1986, 1989, 1991, 1995, 1996, 1997 y 1999. Ta bon pa nota cu den e edicionnan di 1989 y 1991 Aruba a reemplasa Antias Hulandes den e festival, apesar cu for di 1986 ya el a bandona e constelacion Antiano. Un otro curiosidad ta cu e participacion di 1987 a wordo presenta na e Festival OTI como representante di Antias Hulandes-Corsou.
Finalmente, por nota cu e representante di 1981, Efrem Benita, awendia conoci como Dave Benton, a logra 20 aña despues pa corona ganado di e Festival Eurovision na 2001 representando Estonia, cu e cantica Everybody den dueto cu Tanel Padar.[3]