Florin Arubiano
From Wikipedia, the free encyclopedia
Florin Arubiano ta e nomber ofisial di e moneda di e isla di Aruba. E denominashon bankario ofisial di florin di Aruba ta AWG. Den práktika ta usa e símbolo Aƒ. E florin arubiano a wòrdu introdusí dia promé di yanüari 1986, na momentu ku Aruba a sali foi e konstelashon di Antias Hulandes. E florin arubiano a remplasá e florin antiano.
E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.
Florin
| Pais | Aruba  |
|---|---|
| Hurisdikshon | Aruba |
| Currency symbol description | florin sign |
| Banco central di valuta | Banko Sentral di Aruba |
| Ta remplasá | Florin Antiano |
| Fecha inisial | 1 yanüari 1986 |
| Simbolo di unidad | ƒ |
| Manufacturer | Joh. Enschedé |
E palabra florin ta derivá for di e pueblo di Florenza (òf Firenze) na Italia i ta referí frekuentemente na e (fiorino d'oro) moneda di oro kreá na 1252.
E forma di moneda aki a wòrdu derivá pa otro paisnan i e palabra florin a wòrdu usá, por èhempel, pa e Florin Hulandes (abreviá pa Fl), pero tambe pa e promé moneda saká na 1344 pa Edward III di Inglatera- e tempu ei ku balor di seis shilling, komponé di mas o menos ~7 gram di oro ku un 'purity' di 23 karat - i mas resien relatá na e moneda di plata britániko pre-decimal (despues yamá nickel silver) tambe konosí komo e dos shilling. Investigashon nan resien a indika ku e florin na un dado momentu den historia tabata e moneda dominante den Oropa te na momentu ku lei nan ku a wòrdu pasá a kita su status komo e kontinente su de fakto moneda di reserva.
E promé seri di moneda di pago y di biyete di e florin Arubiano tabata diseña pa Evelino Fingal.[1] Ta usa e siguiente denominashon:
- moneda - 5, 10, 25 i 50 sèn, 1, 2½ i 5 florin.
- biyete - 10, 25, 50, 100 i 200 florin.
Na 2019, Banko Sentral di Aruba a enkarga Nigel Matthews, artista i eks-dosente di arte arubano, ku un diseño nobo di e biyetenan.[2] Matthews a sigui e tradishon di bestianan lokal i e kolónan konosí riba e biyetenan. Sinembargo, el a inkluí diseño adishonal ku ta representá e kultura di Aruba i ta konektá ku e poblashon indígena ku tabata e promé ku a pone pia riba e isla.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
