volkan na Saba From Wikipedia, the free encyclopedia
Mount Scenery ta un seru volkániko na Saba, isla den Karibe Hulandes. Su top tin un altura di 877 meter i ta e punta mas altu di e isla komo den Karibe Hulandes i Reino Hulandes. Desde e reforma konstitushonal di e islanan di Karibe Hulandes e ta tambe e punta mas altu di pais Hulanda.[1] Dia 2 di sèptèmber 2019 a proklamá e seru for di altura di 550 meter pariba komo parke nashonal bou nòmber di Mount Scenery Nature Park.[2]
Parti di | Antias Menor, Karibe Hulandes, Hulanda Karibense |
---|---|
Kontinente | Amérika |
Pais | Reino Hulandes |
Situá na | Saba |
Situa den area geografico | Saba |
Koordinato geográfiko | 17°38′6″N 63°14′21″W |
Made from material | andesite |
Time period | Holocene |
Category for the view from the item | Category:Views from Mount Scenery |
Mount Scenery ta e kumbre di e stratovolkan di kua e isla di Saba a surgi. E último erupshon di e volkan tabata na 1640, poko promé ku e promé oropeonan a pisa tera riba e isla. [3] Aunke e ta inaktivo pa algun siglo e ta ainda konsiderá un peliger potensial. E volkan tin un forma kóniko i ta distinto for di e volkan The Quill na Sint Eustatius. Segun geólogonan e ta karece di un krater real; net bou di e top tin un pròp di lava, riba kual a forma un mondi di neblina.[4]
E volkan ta un di e atrakshonnan turístiko mayó di Saba, despues di sambuyamentu. Por subi yega e kumbre via e ruta di "Mount Scenery hiking trail", ku ta ensera un trapi di no menos ku 1064 steps ku ta kuminsa na Windwardside. Riba dianan kla por mira desde e kumbre e siguiente islanan: Sint Eustatius, Montserrat i Sint Kitts i Nevis. Ademas for di e punta mas altu lo por mira e isla di Sint Maarten, Sint Barth i Anguilla.[5]
Desde 2016 ta organisá anualmente e "Sea-to-Scenery Race", un kareda pa subi e top ku ta tuma lugá den e wikent pegá ku Dia di Saba.[6]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.