Don Martina

Dominico Felipe 'Don' Martina (☆ 1 di mei 1935 na Kòrsou - † 21 di desèmber 2024) tabata un polítiko yu di Kòrsou i promé minister di Antia Hulandes. El a enkabesá kuater gabinete durante dos periodo: di 16 di novèmber 1979 te òktober 1984, i di 2 di yanüari 1986 te yüli 1988. Na aña 1971 Martina tabata un di e fundadónan di Partido MAN i tabata su promé lider di partido.

 E artíkulo aki ta skirbí na ortografia di papiamentu. Lo ta apresiá si por mantené e artíkulo aki na estilo di papiamentu.

Wak Martina (pagina di referencia) pa un otro nificacion di topico.

 E artíkulo aki ta skirbí na ortografia di papiamentu. Lo ta apresiá si por mantené e artíkulo aki na estilo di papiamentu.

Don Martina
12° & 14° Promé minister di Antia Hulandes
Término di ofisina 1979-1984 1986–1988
Monarkia	Juliana (1948-1980) Beatrix (1980-2013)
Miembro di Konseho insular
Término di ofisina 1971–
Diputado di Hustisia
Término di ofisina 1972–1976
Miembro di Parlamento di Antia
Término di ofisina 1994–
Informashon personal
Nòmber  kompleto	Dominico Felipe Martina
Nasementu	1 di mei 1935  Kòrsou
Fayesimentu	21 di desèmber 2024
Famia
Mayor	Dominico Dyonicio Martina {{{mama}}}
Yu	Steven Martina
Informashon profeshonal
Ofishi	polítiko, ingeniero
Partido polítiko	MAN
Imágennan riba Wikimedia Commons
[Editá Wikidata] · [Manual]

Biografia

Martina a nasé na Kòrsou dia 1 di mei 1935 komo yu di Dominico Dyonicio Martina.^[1] El a studia na HTS na Haarlem y despues na University of the West Indies na Trinidad i Universidat di Columbia, unda el a gradua den relashonnan industrial i laboral. Martina tabata un ingeniero sivil.^[2] El a fungi komo direktor di e departamentu di Asuntunan Sosial i di Labor. Despues di e lantamento na Kòrsou na 1969, e Movementu Antia Nobo (despues Partido MAN) a wòrdu fundá dia 6 di febrüari 1971 pa un grupo di hoben entre nan Martina, kende a bira e promé lider di partido. E grupo a oponé e kronismo i korupshon riba e isla, ku nan a bisa a sigui despues di e susesonan di 1969.

Karera politiko

Den elekshon di 1971, Martina a keda eligí komo miembro di Konseho Insular di Kòrsou. Di 1972 pa 1976 e tabata diputado di hustisia.^[2][3]

Den elekshon di 1979 pa Parlamento di Antias Hulandes, Partido MAN di Martina a bira e partido di mas grandi i despues el a bira promé minister.^[4] El a forma un coalicion cu Arubaanse Movimiento Electoral di Pueblo (MEP) y Union Patriotico Bonaire. Na desèmber 1979 òf 1980, e Partido Demokrátiko tambe a djòin.^[5][6]

Den e promé periodo komo promé minister el a hiba diskushonnan tokante e deseo di Aruba pa bandona Antias Hulandes na e Konferensia di Mesa Rondo na 1981 i 1983. Tambe a kai e desishon pa dividí e teritorio insular di Islariba den e tres teritorio insular separá, formá pa Sint Maarten, Saba en Sint Eustatius.^[7]

Don Martina durante Konferensia di Mesa Rondo tokante reformanan konstitushonal, 1981.

Na komienso di su di dos periodo despues di gabinete Liberia-Peters I, e separashon di Aruba di Antias Hulandes tabata realisá, lokual entre otro sirkumstansia, a forza Martina pa implementa medidanan di ousteridat. E restrukturashon di ‘Antias di 5’ a keda riba agenda i a investiga diferente modelo. Finalmente Martina a konklui ku e tabata imposibel pa haya un modelo di kooperashon den kual tur isla lo por a haya otro.^[7]

Bida privá

Martina tin un yu muhé i dos yu hòmber, di kual Steven Martina a fungi komo minister di Desaroyo Ekonómiko di Kòrsou den Gabinete Rhuggenaath.^{[8] [9][10]}