Edward Cheung

Edward Bing Cheung (☆ 6 di februari 1963 na San Nicolas) ta un ingeniero y cientifico Arubano, cu a contribui na diseña equipo nobo pa optimisa e rendimento di National Aeronautics and Space Administration (NASA) su telescop espacial "Hubble".^[1] E equipo diseña pa Cheung y su coleganan a wordo transporta pa espacio durante cuater vuelo cu NASA su flota di nave espacial. E lansamento di e equipo den espacio tabata un logro formidabel pa NASA.

 E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.

Edward Cheung
Cheung y su famia hunto cu gobernador Fredis Refunjol y prome minister Mike Eman na 2010.
Informacion basico
Nacemento	6 febrüari 1963  Aruba
Residencia	Merka
Educacion
Alma mater	Universidat Yale
Promotor	Vladimir Lumelsky
Informacion profesional
Ofishi	Cientifico Ingeniero
[Edita Wikidata] · [Manual]

Biografia

Cheung a lanta na San Nicolas y tabata un di tres yiu di migrantenan Asiatico, Yok Fuir Cheung y Kong Ming Cheung, kende tabata doño di Kong Ming supermercado na San Nicolas. Na 1980 el a caba Colegio Arubano y a bay studia na Merca na Worcester Polytechnic Institute, unda e ta gradua na 1985. Cheung ta sigui pa obtene na 1990 un doctorado den ingenieria electrico na Universidad Yale, specialisando den e ciencia di robot. Tema di su disertacion tabata e problemanan encontra pa detectornan di movecion cu ta instala riba robot.

Telescop espacial Hubble den orbita

Cheung ta inicia su carera den mundo academico, tumando parti den diferente proyecto di investigacion riba tereno di ciencia robotico. Na 1991 e ta bay traha na NASA. Despues di cinco aña ta keda apunta na e proyecto di telescop espacial Hubble y finalmente ta bira e ingeniero principal di e proyecto. Pa medio di su trabou e ta haci contribucionnan significativo na e programa espacial Mericano y riba tereno di ciencia aerospacial. Un di su diseñonan ta e aparato cu el a duna e nomber ASCS/NCS Relay Unit Breaker Assembly, abrevia ARUBA.^[2]

Cheung ta casa cu Agnes Kock y hunto nan tin dos yiu.