Emmanuel Macron

Emmanuel Jean-Michel Frédéric Macron (☆ 21 di desèmber 1977 na Amiens (Fransia) ta un polítiko franses ku ta presidente di Fransia desde 14 di mei 2017. Anteriormente e tabata Minister di Ekonomia, Industria i Asuntunan Digital bou di Presidente François Hollande di 2014 pa 2016 i Sekretario-General Suplente di e Presidente di 2012 pa 2014. E ta miembro di e partido Renaissance for di tempu ku el a funda esaki na 2016.

Emmanuel Macron
Presidente di Fransia
Término di ofisina 14 di mei 2017–
Antesesor	François Hollande
Informashon personal
Nòmber  kompleto	Emmanuel Jean-Michel Frédéric Macron
Nasementu	21 di desèmber 1977 Amiens
Pareha	Brigitte Trogneux
Informashon profeshonal
Ofishi	politiko
Partido polítiko	Renaissance (2016-presente)
Firma
Imágennan riba Wikimedia Commons
Wèpsait ofisial
[Editá Wikidata] · [Manual]

Dia 7 di mei 2017, el a gana e elekshonnan presidensial franses kontra Marine Le Pen di e Frente Nashonal, anotando 66.1% di e votonan den e di dos buèlta. Ora el a asumi su funshon, e tabatin 39 aña di edat, loke ta hasié e presidente franses di mas yòn di tur tempu. Dia 24 di aprel 2022, el a wòrdu re-eligi ku 58.5% di e votonan.^[1] E oponente tabata un biaha mas Marine Le Pen. Pa motibu di su funshon, Macron tambe ta ko-prins di Andorra.

Fuente, nota i/òf referensia Emmanuel Macron heeft de Franse presidentsverkiezingen gewonnen en kan aan zijn tweede termijn als president beginnen. Hij wist 58,55 procent van de stemmen binnen te halen.. NU.nl (24 aprel 2022). Archivá dia 25 aprel 2022.