Fiderd Vis

Fiderd Vis (☆ 29 di maart 1981 na Aruba) ta un judoka y un atleta olimpico di Aruba.

 E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.

Fiderd Vis
Imagen desea: Fiderd Vis
Informacion personal
Nacemento	29 di maart 1981  Aruba
Informacion deportivo
Nacionalidad deportivo	Aruba
Deporte	Judo
Haltura	182 cm
Peso	81 kg
Weganan Olimpico	2008
[Edita Wikidata] · [Manual]

Vis a cuminsa practica e deporte di judo for di un edad relativamente hoben. Na 2006 el a representa Aruba na Weganan CAC na Cartagena (Colombia), despues di a prepara na un campamento di entrenamento intensivo na Sao Paolo.^[1] Durante e Panamerican Judo Circuit Championships na Republica Dominicano na 2007 e ta gana un medaya di brons. Cu e prestacion aki e ta obtene un 'wild card' pa participa e mesun aña na e Weganan Panamericano na Rio de Janeiro (Brasil) den categoria te 81 kilogram.

Na 2008 Vis y e landado Jan Roodzant tabata forma hunto e team olimpico Arubano pa e Weganan Olimpico di Zomer na Bejing (China), unda Vis a carga e bandera di Aruba durante e ceremonia di apertura.^[2] Na Bejing ela participa den e clase peso te 81 kg y a keda derota contra e judoka chines, Guo Lei, den e ronda eliminatorio.

Vis a sigui di ta activo den judo na Aruba; e ta yuda hobennan cu ta practica e deporte y ta guia atletanan cu ta competi internacionalmente. Na 2014 ela sigui un curso como coach na Barcelona, (Spaña). ^[3]