Gillain Berry

Gillain Alicia Berry (☆ 1988 na Kingston, Jamaica) ta un modelo y reina di beyesa di Aruba cu a gana e certamen di Miss Aruba 2010 y seguidamente a representa Aruba na Miss Universe 2011 y Miss World 2011.

 E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.

Gillain Berry
Imagen desea: Gillain Berry
Informacion basico
Nacemento	1988 Jamaica
Informacion profesional
Ofishi	modelo, reina di beyesa
Informacion di resistencia
Pais	Aruba
Fisico
Haltura (cm)	175
Color di cabey	bruin
Color di wowo	bruin
Otro informacion
Participante na	Miss Aruba 2010 Miss Universe 2011 Miss World 2011
[Edita Wikidata] · [Manual]

Biografia

Gillain Berry a nace na Jamaica y na un edad hoben a muda pa Aruba cu su mama. El a cuminsa traha den sector bancario. Prome cu su carera den certamen di beyesa, Berry tabata un modelo profesional, apareciendo den propaganda di television local y propaganda di revista.^[1] Despues di e certamennan di beyesa el a bay studia Management na Hulanda y Alemania. Desde algun aña e ta estableci na Alemania unda e ta activo como empresario.

Concurso di beyesa

Hunto cu nuebe otro candidata Berry a competi den e certamen nacional di beyesa, Miss Aruba dia 4 di december 2010,^[2] caminda el a wordo elegi Miss Aruba 2010. El a wordo corona door di su antecesor Priscilla Nicole Lee.^[3] Dia 12 di september 2011 el a participa na e di 60 edicion di Miss Universe na São Paulo, Brazil. E mesun aña na november el a reemplasa Helen Thiel, prome runner-up di Miss Aruba 2011, como e representante di Aruba na Miss World 2011 cu a tuma luga na London.

Na 2021 Berry a publica un buki inspirativo pa hobennan titula A journey within to unlock your fullest potential: A Caribbean girl perspective.^[4]