Merle Collins

Merle Collins (☆ 29 di september 1950 na Aruba) ta un poeta, novelista y autor di cuentanan cortico di Grenada.

 E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.

Merle Collins
Imagen desea: Merle Collins
Informashon básiko
Nasementu	29 di september 1950  Aruba
Edukashon
Alma mater	London School of Economics and Political Science, Universidat di Georgetown, University of the West Indies
Informashon profeshonal
Ofishi	poeta, performing artist, novelist, eskritor, prose writer, artista, dosente universitario
Disiplina	English poetry, Ingles, comparative literature
Obra
Obra notabel	Ocean Stirrings
Otro informashon
Partisipante pa	Furious Flower Conference (4th: 2024)
[Editá Wikidata] · [Manual]

Bida y labor

Naci na Aruba na 1950 pero lanta na Saint George’s, Merle Collins a wordo inspira for di un edad hoben pa su mama y wela pa conserva e tradicion oral di Caribe pa medio di idioma. Despues di completa scol secundario catolico na Grenada, el a bay studia na University of the West Indies na Mona, Jamaica, caminda el a gradua na 1972 y a regresá pa duna les di Ingles, historia y Spañó na scolnan na Grenada y St. Lucia. Na 1981, el a obtene un master den estudionan Latinoamericano for di Universidad di Georgetown. Dies aña despues, el a ricibi su doctorado for di Universidad di London riba e historia y politica di Grenada for di añanan 1950 te cu añanan 1970.

Collins tabata profundamente envolvi den e revolucion Grenadiense y a fungi como coordinador di gobierno pa investigacion riba Latinoamerica y Caribe. Di 1984 te 1995 el a traha como docente di estudionan di Caribe na University of North London. Actualmente e ta profesor di literatura comparativo y Ingles na Universidad di Maryland na Merca.^[1]

El’a bandona Grenada pa Inglatera na 1983.^[2][3] unda su promé poema a keda publica den un antologia, Callaloo: A Granada Anthology (1984). E siguiente aña el a publica su propio coleccion Because the dawn breaks!: Poems dedicated to the Grenadian People.

Inspira pa e tradicion oral di e cultura Caribense, e poemanan di Collins tin un ritmo similar na e spoken word y dialectonan Caribense.^[4] Temanan importante den e obra di Collins ta inclui e rol di hende muhe komo wardado di idioma y balornan tradicional en frente di e colonistanan Britanico y e lucha di hende muhe Grenadiense pa desaroya nan nacionalismo, manera den su novela Angel.^[4]. E ultimo aki ta cronica e lantamento politico di su protagonista principal y di e evolucion di nacionalismo politico Grenadiense atraves di tres generacion di hende muhe.^[5]