Mosku

Mosku (ruso: Москва, Moskva) ta kapital i e siudat mas grandi di Rusia, antes tambe di Union Sovietiko. E ta situá kantu di Riu Moskva den Rusia Sentral. E siudat tin un área di 2,511 km² i un poblashon di alrededor di 13 mion hende den e límitenan di e siudat, mas ku 17 mion hende den e zona urbano, i mas ku 20 mion hende den e zona metropolitano. Mosku ta un di e siudatnan mas grandi na mundu i ta esun mas poblá ku ta henteramente situá den kontinente Oropa, kontrali na Istanbul.^[1]

 E artíkulo aki ta skirbí na ortografia di papiamentu. Lo ta apresiá si por mantené e artíkulo aki na estilo di papiamentu.

Mosku
Kapital na Rusia
Divishon atministrativo
Koordinatonan	55°45′2″N 37°37′3″E
Geografia
Área	2562 km²
Elevashon	156 meter
Poblashon
Poblashon (1 yanüari 2025)	13,274,285 habitante 5,181.22 habitante/km²
Idioma	Ruso
Otro informashon
ISO 3166-2	RU-MOW
Mapa detayá di Mosku
Imágennan riba Wikimedia Commons
Wèpsait ofisial
[Editá Wikidata] · [Manual]

A skirbi tokante di dje pa promé biaha na 1147. Mosku a kresé pa bira un siudat poderoso ku tabata e kapital di e Gran Dukado di Mosku. Mosku a keda e sentro polítiko i ekonómiko di e pais ora e imperio di Tsar di Rusia a wòrdu trahá. Ora esaki a bira e Imperio Ruso, e kapital a wòrdu trasladá for di Mosku pa San Petersburgo loke a baha e influensia di e siudat. E kapital a wòrdu trasladá bèk pa Mosku despues di e revolushon di òktober. Esaki a trese e siudat bèk komo e sentro polítiko di e SFSR ruso i despues di e Union Soviétiko. Despues di e disolushon di Union Soviétiko, Mosku a keda e kapital di e Federashon Ruso nobo.

Mosku ta e megasiudat mas nort i mas friu na mundu.

Mira tambe e kategoria Moscow di Wikimedia Commons pa mas dato mediatiko tokante di e tema aki.

Fuente, nota i/òf referensia Alexander Akishin (2017-08-17). "A 3-Hour Commute: A Close Look At Moscow The Megapolis". Strelka Mag. https://strelkamag.com/en/article/moscow-agglomeration.