Orden di Oranje-Nassau

E Orden di Oranje-Nassau ta un condecoracion real Hulandes cu ta consisti di seis grado. Un nombramento den e orden ta ser otorga den casonan di prestacionnan particular pa y den comunidad. Orden di Oranje-Nassau ta e condecoracion Hulandes di mas importante y mas otorga desde su lansamento.

 E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.

Orden di Oranje-Nassau

Fecha di fundashon òf kreashon	4 aprel 1892
Nòmber nativo	Orde van Oranje-Nassau
Nòmber duná di	House of Orange-Nassau
Fundadó òf kreadó	Wilhelmina di Hulanda
Motto text	Je Maintiendrai
Pais	Reino Hulandes
Conferred by	Reino Hulandes
Next higher rank	Orden di Leon Hulandes
Next lower rank	Order of the Gold Lion of the House of Nassau
Lugá di formashon	Amsterdam
Wèpsait ofisial	https://www.lintjes.nl/onderscheidingen/orde-van-oranje-nassau
Award rationale	everyone who has earned special merits for society, tothom que hagi merescut mèrits especials envers la societat

Conforme articulo 2 di e Reglemento di Orden di Leon Hulandes y Orden di Oranje-Nassau ta papia di prestacion meritorio ora un persona:

• pa basta tempo a haci esfuerzo pa comunidad of a stimula otronan, of
• a realisa un of mas prestacion remarcabelmente of
• a presta trabou di un balor particular pa y den comunidad.

En general mester pensa riba logronan duradero na beneficio di comunidad cu enfasis riba boluntarismo. Un ehempel comun ta trabou boluntario riba tereno social y cultural.

Cada aña na ocacion di celebracion di Dia di Rey ta condecora residentenan di e paisnan di Reino Hulandes. Ta asumi cu e condecorado di Aruba na 2021, Mary Benjamin di 110 aña, ta e persona mas bieu cu a yega di wordo condecora den un orden civil Hulandes.^[1]

Historia

E Orden di Oranje-Nassau a wordo institui dia 4 di april 1892 pa Emma van Waldeck-Pyrmont na fabor di su yiu muhe mas jong, e futuro Reina Wilhelmina di Reino Hulandes. E ta un orden civil y militar di Hulanda. E orden a tuma su nomber for di e famia real Hulandes, Cas di Oranje-Nassau.

For di su creacion, e orden a conoce varios cambio, incluyendo ampliacion di e cantidad di titulo y ahuste den e criterio pa otorgamento. Durante e añanan, e orden a keda otorga na un amplio gama di hende, incluyendo cientifico, artista, politico, personal militar y lidernan civico. Ta un forma pa Reino Hulandes expresa gratitud pa e esfuerso y meritonan di su ciudadanonan.

Grado

E orden ta conta cu seis grado desde su reforma na 1994. Esakinan ta:

• Cabayero Gran Cruz (Ridder Grootkruis)
• Gran Oficial (Grootofficier)
• Comendador (Commandeur)
• Oficial (Officier)
• Cabayero (Ridder)
• Miembro (Lid, cu ta reemplasa e antiguo titulo honorario).

Banda di e seis grado aki tin e grado di Gran Maestro cu ta reserva pa e monarka di Reino Hulandes.

Obligacion

Un condecacion real ta wordo otorga pa uzo temporario (asina yama bruikleen). E medaya mester wordo debolbe despues di promocion pa un rango mas halto, un condena di Corte of fayecimento di e condecorado.

Mayoria di e condecoradonan casi no ta bisti nan condecoracion mes, fuera di e dia di su otorgamento. Esaki ta debi na e instruccionnan estricto tocante su bistimento; esta ki ora esaki ta permiti y ki paña ta rekeri. En general esaki ta solamente na ocacionnan oficial unda e ta indica explicitamente den e invitacion.^[2]

Personanan decora tambe por pidi contra pago un version miniatura. E instruccionnan pa esaki ta menos estricto, permitiendo pa bisti esaki na ocacionnan festivo, hopi biaha den oranan di anochi y acompaña pa paña apropiá.^[2]