Piedra Plat

Piedra Plat ta un luga na Aruba, situa oost di e capital Oranjestad den e region di Paradera. Luganan rond di dje ta Hooiberg, Papilon y Cashero. Su nomber, conoci foi prome cu aña 1897 ora e kerki protestant a muda di Canashito pa Piedra Plat, ta referi na e gran cantidad di baranca di dioriet di cua su banda ariba ta plat.^[2] Por encontra e barancanan aki pariba y pazuid di e kerki.

 E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.

Piedra Plat
Zona di  Aruba
Kerki protestant na Piedra Plat Santana protestant di Piedra Plat Cas tipico na Piedra Plat Paisahe di Casibari Pintura di indjan
Division administrativo
Pais	Aruba
Region	Paradera
Coordinatonan	12°31′N 70°2′W
Poblacion
Poblacion (2020)	2,631 habitante[1] 1397 habitante/km²
Proporcion  di sexo	0.92
Vivienda	878 unidad
Mapa detaya di Piedra Plat
Nota: Proporcion di sexo ta representa e cantidad di hende homber pa cada hende muhe.
Imagennan riba Wikimedia Commons
[Edita Wikidata] · [Manual]

Piedra Plat tin un superficie di mas o menos 1,1 km², ubica tur dos banda di e caminda ruta cuater. Segun censo di 2010 Piedra Plat tin 2.419 habitante.^[3] E bario ta conoci pa e unico kerki y scol protestant construi pafor di Oranjestad. Otro facilidadnan presente ta e Piedra Plat Entertainment Center^[4], un luga popular pa eventonan di musica, baile y arte; e compleho deportivo Franklin Bareño cu 3.000 asiento y cu ta e base di SV Britannia, un club di futbol lanta na 1958; y Club Kibrahacha, un centro di actividad pa adulto di 60 aña bay ariba.^[5]