Premio Chapi di Plata

Premio Chapi di Plata, tambe konosí komo Premio Bienal Pierre Lauffer, ta un premio literario bienal na Kòrsou pa e idioma di Papiamentu. For di 1982 e ta wòrdu otorgá na un of mas persona ku a sobresalí den un obra papiamentu of ku a dediká su mes na promoshon di idioma papiamentu.^[1]

 E artíkulo aki ta skirbí na ortografia di papiamentu. Lo ta apresiá si por mantené e artíkulo aki na estilo di papiamentu.

Wak Chapi (pagina di referencia) pa un otro nificacion di topico.

Premio Chapi di Plata

Pais	Kòrsou
Idioma di obra/nomber	Papiamentu

Premio Pierre Lauffer ta dediká na Pierre Lauffer (1920-1981), kende tabata poeta i papiamentista. El a wòrdu instituí pa Fundashon Pierre Lauffer i ta konsistí di un chapi di plata na miniatura i un sertifikado di mérito.^[2] E chapi di plata ta para símbolo pa e amor pa e idioma di un pais i ta referí na un poema sin título ku Lauffer a publiká den su obra “’Lagrima i sonrisa”.^[3] Kada dos aña riba e fecha natal di Pierre Lauffer ta otorgá e premio.^[4] E promé laureado na 1982 tabata e papiamentista Antoine Maduro (1909-1997).