Punto kardinal

Un punto kardinal, tambe direkshon kardinal, ta un punto prinsipal riba un kompas. Tin kuater punto kardinal riba e rosa di bientu: nort, sùit, ost i wèst. Relativo na nort, siguiendo e direkshon di holoshi, e puntonan ost, sùit i wèst ta na intervalonan di 90° grado. Nort i sùit ta mustra den direkshon di Nortpol i Sùitpol di planeta Tera. E rotashon di Tera ta definí ost i wèst. Solo ta sali mainta na ost, i ta baha atardi na wèst.

Rosa di bientu ku puntonan kardinal, interkardinal i direkshonnan interkardinal sekundario.

 E artíkulo aki ta skirbí na ortografia di papiamentu. Lo ta apresiá si por mantené e artíkulo aki na estilo di papiamentu.

punto kardinal

Supkategoria di	geographic direction
Has use	navigation
Studiá pa	geografia
Lo kontrario di	intercardinal direction

Hopi biaha e puntonan kardinal ta wòrdu abreviá ku e promé lèter. Komunmente ta duna preferensia na e abreviashon ingles (nort = N, ost = E, sùit = S, wèst = W). Fuera di ta konosí internashonalmente, nan tin dos bentaha mas: O no ta wòrdu konfundí ku e sero (òf ku e O franses, ku ta nifiká West) i Z, si e imagen a wòrdu bira di banda, no ta wòrdu konfundí ku N.

Hopi kultura ta inkluí e "sentro" komo un di sinku punto kardinal. Esaki ta spesialmente e kaso na Asia i den un kantidat di kosmologianan indígena tradishonal na Mesoamérika i Nort Amérika. Algun di nan ta enfoká riba un kosmos di shete direkshon, ku tambe ta inkluí “pariba” i “pabou” komo direkshon. Por ehèmpel, den e komunidat Hopi den sùitwèst di Merka, e kuater punto kardinal no ta nort, sùit, ost i wèst, sino e kuater direkshon ku ta wòrdu asosiá ku e lugánan di salida i bahada di solo segun e solstisio^[1] di winter i zomer.^[2]

Puntonan kardinal i interkardinal riba un monumento na Aruba

Puntonan kardinal riba un monumento na Ukrania