Randal Corsen

Randal Corsen (☆ 13 di ougùstùs 1972 na Kòrsou) ta un pianista i kompositor yu di Kòrsou, ku ta aktivo den músika jazz i músika klásiko.

 E artíkulo aki ta skirbí na ortografia di papiamentu. Lo ta apresiá si por mantené e artíkulo aki na estilo di papiamentu.

Randal Corsen
Informashon básiko
Nasementu	13 di ougùstùs 1972 Kòrsou
Residensia	Hulanda
Informashon profeshonal
Aña aktivo	1997 - presente
Género musikal	jazz
Ofishi	kompositor, pianista
Instrumento	piano
Distinshon	premio Boeli van Leeuwen (2013) premio Cola Debrot (2018)
Wèpsait ofisial (en) AllMusic-profil (en) Discogs-profil (en) MusicBrainz-profil
[Editá Wikidata] · [Manual]

Bida i karera

Randal Corsen ta tatarañetu di e poeta i kompositor kurasoleño, Joseph Sickman Corsen (1853-1911). El a sali pa Hulanda na aña 1990 pa studia piano na Conservatorio di Brabant. El a gradua ku honor na 1995. Despues el a bira aktivo komo miembro di e banda di jazz latino Bye-Ya i komo sideman pa Izaline Calister.

Na 2003, el a lansa su promé álbum, Evolushon, un álbum di jazz ku influensianan kla di músika antiano i otro karibense. E la gana un Premio di Músika Edison. Na 2005, el a lansa un álbum klásiko, Corsen plays Corsen, lansá na Oropa na 2006, ku komposishonnan di Joseph Sickman Corsen. Un proyekto grandi nobo tabata Symbiosis (2013), un álbum di jazz ku, ademas di influensianan antiano, tambe ta kontené elementonan klásiko i poliritmonan. Ademas, Randal Corsen a skirbi un opera, Katibu di Shon, ku un libreto di Carel de Haseth, riba inisiativa di mezzo-soprano Tania Kross.

Huntu ku Tania Kross i Carel de Haseth, Corsen a risibí na 2013 e Premio Boeli van Leeuwen pa Katibu di Shon, e promé ópera na papiamentu.

Corsen ta duna les na e conservatorionan di Amsterdam i Utrecht.