Tumba franses

Tumba franses ta un forma di baila, kanta i toka tambòr afrokubano ku a surgi na provinsia di Oriente, Cuba. El a wòrdu introdusí dor di katibunan di e kolonia franses di Santo Domingo (loke a bira despues e pais Haiti), ku nan doñonan a reinstala den e regionnan oriental di Cuba despues di e rebelion di katibu durante añanan 1790. E género a floresé na fin di siglo 19 ku e establesimentu di sosiedatnan di tumba franses, di kua solamente tres a sobreviví.

 E artíkulo aki ta skirbí na ortografia di papiamentu. Lo ta apresiá si por mantené e artíkulo aki na estilo di papiamentu.

Tumba franses

Supkategoria di	music of Cuba
Pais di orígen	Cuba
Intangible cultural heritage status	Representative List of the Intangible Cultural Heritage of Humanity, Masterpieces of the Oral and Intangible Heritage of Humanity
Describi pa URL	https://ich.unesco.org/en/RL/00052, https://ich.unesco.org/fr/RL/00052, https://ich.unesco.org/es/RL/00052

Tumba franses ta kombiná tradishonnan musikal di orígen afrikano (west), bantu, franses i spaño. E etnomusikólogonan kubano ta di akuerdo ku e palabra "tumba" ta derivá di e palabranan bantu i mandinka pa tambòr.^[1][2] Na Cuba, e palabra tumba ta ser usa pa denotá e tambornan, e agrupashon i e aktuashon mes den tumba franses.^[3] E estilonan di tambor haitiano hopi biaha ta ser kombiná ku e trompeta di bandanan kubano.

Un di e elementonan ku ta karakterisá tambu franses i na mes momentu ta diferensiá esaki for di otro baile di orígen afrikano ta e paña flamboyante i koloriko di e bailadónan.^[4] E muhénan ta bisti lensu largu i koloriko na kabes, koyar i otro aksesorionan manera "chachás". E hòmbernan ta bisti kamisa i pantalon blanku. E vestuario ta un elemento fundamental di e elegansia di e baile ku ta rekorda e asina yamá baile di salon oropeo.

Tumba franses ta biba ainda den varios sosiedat kubano, manera:

• La Caridad de Oriente, na Santiago de Cuba
• La Pompadour of La Santa Catalina de Riccis na Guantánamo
• La Bejuco na Ságua de Tánamo.

For di aña 2003 tumba franses a keda registrá riba e lista di obranan importante di patrimonio kultural inmaterial di humanidat, e asina yamá Representative list of the Intangible Cultural Heritage of Humanity di UNESCO.

Fuente, nota i/òf referensia Ortiz, Fernando (1954). Los instrumentos de la música afrocubana, Vol. IV. Cárdenas y cía, Havana, Cuba, p. 114. Alén, Olavo (1986). La música en las sociedades de tumba francesa. Casa de las Américas, Havana, Cuba, p. 45. Ramos Venereo, Zobeyda (2007). Music in Latin America and the Caribbean: An Encyclopedic History, Vol. 2 . University of Texas Press, Austin, TX, "Haitian Traditions in Cuba", 265–280. ISBN 9780292784987. La Tumba Francesa. UNESCO.org. Konsultá dia 6 mart 2024.