Wikipedia

Wikipedia ta un ensiklopedia multilingual riba internet. E nomber ta un kombinashon di wiki i ensiklopedia. E ta skirbi dor di voluntarionan uzando software pa páginanan di wiki, loke ta hasi posibel pa artíkulonan sea añadi of kambiá dor di kasi tur hende. Na 2022 Wikipedia a klasifiká komo e di sinku wèpsait mas popular na mundu.^[1]

 E artíkulo aki ta skirbí na ortografia di papiamentu. Lo ta apresiá si por mantené e artíkulo aki na estilo di papiamentu.

Wikipedia
Tipo	Ensiklopedia online
Idioma	Plurilingual
Registrashon	Opcional
Propietario	Fundashon Wikimedia
Outor	Komunidat di Wikipedia
Fundashon	15 di yanüari 2001  Estadonan Uni di Amérika
Fundadó	Jimmy Wales, Larry Sanger
Státus	Aktivo
Idioma di programashon	PHP
Imágennan riba Wikimedia Commons
Wèpsait ofisial
[Editá Wikidata] · [Manual]

Historia

E proyekto, kreá pa Jimmy Wales i Larry Sanger, a kuminsá riba 15 di yanüari 2001 komo un komplemento na Nupedia, kual tabata skirbí dor di ekspertonan. Awor e ta manehá dor di e Fundashon Wikimedia, un organisashon merikano ku ta traha ku fondonan di donashon. Inisialmente e wepsait tabata solamente disponibel na ingles; vershonnan na otro idioma a desaroya lihé inkluyendo esun na idioma Papiamentu na 2006. Na 2007 e vershon ingles di Wikipedia tabatin mas ku 2.000.000 artíkulo. Wikipedia a sigi subi den popularidat i a haña hopi proyekto relatá, manera wiktionary (wikishonario), wikibooks (wikibuki) i wikinews (wikinotisia). Na inisio Wikipedia tabata disponibel únikamente na idioma ingles, sinembargo vershonnan den otro idioma, manera Wikipedia na Papiamentu, a kuminsa desaroyá rapidamente.

Jimmy 'Jimbo' Wales

Artíkulonan den Wikipedia ta sitá regularmente dor di medionan di komunikashon i akadémikonan ku generalmente ta komenda e pa su distribushon gratis, su editashon i pasombra e ta kubri un rango grandi di tópiko. Editornan ta enkurashá pa mantené un pólisa bou di kua perspektivonan ta sumarisá sin purba di determiná un berdat ophektivo. Pero Wikipedia su status komo un referensia sa ta kontroversial. Su naturalesa habri ta duna oportunidat pa vandalismo, eror i opinion.

Desaroyo

Wikipedian in Residence

Desde 2010, e kolaborashon entre Wikipedia i instansianan kultural a intensifiká ku e nombramentu di un Wikipedia in Residence ne e instansianan mes, pa hasi nan material aksesibel via Wikipedia.^[2]