Wycliffe Smith

Wycliffe Sylvester Smith (☆ 18 di december 1948 na Saba)^[1] ta un politico, poeta y autor di Sint Maarten E tabata prome minister di Sint Maarten di 10 di oktober 2019 te 19 di november 2019. Previamente e tabata minister di Enseñansa, Hubentud, Deporte y Cultura di 2018 pa 2019 den e di dos gabinete Marlin-Romeo y Gezaghebber di Saba di 1983 te 1989. E ta co-fundador y lider di Partido Cristian di Sint Maarten (Sint Maarten Christian Party).

 E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.

Wycliffe Smith
Informacion basico
Nacemento	18 di december 1948 Saba
Educacion
Alma mater	Columbia University
Informacion profesional
Ofishi	maestro, politico, poeta, escritor
Obra
Genero	literatura di Caribe Hulandes
Lenga literario	Ingles
Politico
Partido politico	Sint Maarten Christian Party (SMCP)
Candidato den eleccion	2016, 2018, 2020
Funcion
2019 (october-november)	Prome minister di Sint Maarten
2018-2019	Minister di Enseñansa, Hubentud, Deporte y Cultura
1983-1989	Gezaghebber di Saba
Imagen riba Wikimedia Commons
[Edita Wikidata] · [Manual]

Biografia

Wycliffe Smith a nace na Saba y a bai scol secundario na Sint Maarten. Despues di a obtene su certificado di maestro na Hulanda na 1971, el a ocupa diferente funcion den enseñansa na Islariba, entre otro como inspector pa enseñansa primario y hefe di departamento di Enseñansa na Sint Maarten. Den añanan 90 e tabata rector di Universidat di Sint Maarten y despues miembro di direktiva. Smith a sirbi pa hopi aña como pastoor di e Iglesia Bautista di Testament Nobo na Philipsburg.

Politica

For di 1 di november 1983 te ku 2 di november 1989, Smith tabata gezaghebber di Saba.^[2] Na 2015, e tabata co-fundado di Partido Cristian di Sint Maarten (SMCP)^[3], cu den e eleccion di 2016 no a logra gana ningun asiento den Parlamento di Sint Maarten. Den e siguiente eleccion di 2018, e partido ta adkeri un asiento bou di liderazgo di Smith. Seguidamente SMCP huntu ku e Democratnan Uni, a forma un gobierno di coalicion, gabinete Marlin-Romeo II. Smith a bira e unico minister pa SMCP, asumiendo e cartera di Educacion, Cultura, Hubentud y Deporte. Despues cu Leona Marlin-Romeo a renunsia como prome minister, Smith a bira prome minister di e gabinete demisionario, banda di su cargo como minister.

Poeta y autor

Na 1976 Smith ta debuta cu su poemanan den e publicacion A Voice from W-inward. El a compila tambe un bista historico i un antologia di e poesia y literatura folklorico oral di Islariba.^[4] El a publica cuenta y poemanan pa mucha. E trabou di Smith a trese literatura di idioma ingles for di e islanan di Islariba mas bou atencion como parti di e literatura di Caribe Hulandes.