Haßloch

Haßloch is e verbondsfreii Gemoinde im Londkreis Derkem in de Näh vun Mannem/Ludwigshafe. Der Ort werd als es „greeschde Dorf“ in Daitschlond bezäächeld. Im Londkreis Derkem is Haßloch die greegschd Kommun, noch vor Derkem selwerschd. Des Dorf hot e ausgeprächdi Infraschdruggdur mit viele Schule un Meeglichkeide fer zum Oikaafe. Die umlichende Orde vun de Region sin iwwerwiechend innerhalb vun 20 Minudde zu erreische.

Wappe	Daitschlandkard
	49.3630555555568.2558333333333110
Basisdate
Dialekt:	Rhoifrängisch
Hääptvariant:	Pälzisch
Bunnesland:	Rhoilond-Palz
Landkrääs:	Derkem
Heche:	110 m ü. NHN
Fleche:	40 km²
Aiwohner:	19.854 (31. Dez 2012).
Bevelkerungsdicht:	497 Eiwohner je km²
Boschtläätzahl:	67454
Voawahl:	06324
Kfz-Kennzääche:	DÜW
Gmäändschlüssel:	07 3 32 025
Adress vun de Gmäändvawaltung:	Rathausplatz 1 67454 Haßloch
Websait:	www.hassloch.de
Birchamääscht:	Hans-Ulrich Ihlenfeld (CDU)
Laach vun de Gmoed Haßloch im Landkrääs Derkem
Kard

Geografie

Haßloch liggt eschdlich vun Naischdadt an de Woischdrooß un is n Dääl vun de Metropolregion Rhoi-Neggar (Londkreis Derkem) siedwestlisch von Mannem und Ludwigshafe. Es liggt an de Boohschdregg Mannem–Lautre. Die Audobooh A 65 liggt an de nerdlisch Ortsgrenz. Vun do sinns 25 Kilomeder bis nooch Ludwigshafe/Mannem. Haßloch is im Gonze e zusammehängendi Siedlungsfläsch, de sied-eschdliche Dääl vun Haßloch (die „Wehlach“) liggt e bissl abseits.

Gschichd

• ca. 400 n. Chr. – Die Reemer siedeln sichs erschde mol oo.
• ca. 500 n. Chr. – Die Franke vertreiwen die Alemonne.
• ca. 600 n. Chr. – Es Dorf dud entstehe.
• 773/774 n. Chr. – Haßloch werds erschde mol urkundlisch erwäähnt als „Hasalaha“.
• 985 – Salischer Kercheraub
• 900/1000 n. Chr. – Haßloch werd zum Reichsdorf.
• 1186 – De Barbarossa iwwernacht in Haßloch.
• 1330 – Haßloch werd an die Kurpalz verpänd.
• 1621 – Verwieschdung im 30-jährische Krieg dursch die Sponier.
• 1689 – Verwieschdung im pälzische Erbfolgekrieg dursch die Sponier un Franzoose.
• 1797 – Haßloch geheert zu Fronkreisch.
• 1815/16 – Loininge fallt wie aa die Palz an Bayan bis 1945.
• 1945 – Haßloch werd n Dääl vun de Franzeesische Besatzer un e Johr spooder Dääl vun Rhoilond-Palz.
• 1969 – De Londkreis Naischdadt an de Woischdrooß werd uffgeleest un Haßloch kummt zum Londkreis Derkem.

Religione

Haßloch is, weeche de Herrschaft vum Graf vun Loininge, eher prodeschdandisch, wie mer aa an de alde evangelische Kersche (Chrischduskerch, Ludderkerch, Pauluskerch) siehd, im Geechesatz zu de zwää eher neiere Baude vun de Kadoligge (St. Gallus und St. Ulrisch).

Oiwohnerentwigglung

• 1998 – 20.708
• 1999 – 20.747
• 2000 – 20.781
• 2001 – 20.826
• 2002 – 20.809
• 2003 – 20.789
• 2004 – 20.785
• 2005 – 20.722
• 2012 - 19.854

Wappe

Es Wappe hennse 1926 in Minsche entworfe un 1938 offiziell verliehe. Dodruff sieht mer de goldene Leeb vun de Kurpalz un neewedro drei silwerne Adler vun de Loininger Grafe. De Dobbelhooke, wu aussieht wie e S wu letztrum is, is e aldes Gerischdssiegel.

Städtepardnerschaffde

Haßloch hot Städtepardnerschaffde zu denne Gemoinde:

• Viroflay/Fronkreisch (Paris)
• Gebesee/Deitschlond (Thieringe)
• Silifke/Türkei
• Wołczyn/Pole

Kuldur

Verooschdaldunge

Im Sebdember find in Haßloch seit 1988 es Andechser Bierfeschd stadd, wu e paar dausend Bsucher jedes Johr hiekummen. Außerdem gibts seit 2008 im Mai sogar e Woifeschd.

Sehenswürdischkeide

Es „Äldeschde Haus“

Es „Äldeschde Haus“ in de Gilergass in Haßloch ist ausm Jahr 1599, und hot e großes Door. Seid 1986 ischs aa Hoimatmuseum un Kuldurzentrum.

Bei Haßloch liggt de Holiday Park. Des isch en Freizeitpark mit Fahrgschäffde wie unner onnerem em Frieh Fool Tauer (mit em freie Fall aus 70 Meder), ennre Wildwasserbooh un de Achterbooh „Expedition TschiFoors“.

Haßloch hot e Halle- un Freizeitbad mit Außenoolag, de „Badepark“, wu mer aa in die Sauna konn. Außer dem gebts in Haßloch noch e Pferderennbooh und e paar Theaderbiehne, un e großes Veroinswese.

Freizeit- un Sportoolage

Iwwerrall gebts Spielplätz und Sportfläsche, un im Wald sogar en „Trimm-Disch-Paad“.

Werdschaffd un Infraschdruggdur

In Haßloch is hauptsäschlich Induschdrie fer Medall oosässisch: Booll-Päggetsching Jurobb (die ehemalisch Schmalbach), Gottlieb Duddeheefer GmbH un die Dinex.

Es Booll-Päggetsching-Jurobb (Ball-Packaging Europe) isch eens vun de modernschde und greeschde Geträngedosefabrigge vun de Weld. Do isch die erschd 0,5-l-Doos fer Bier hergschdellt worre.

Haßloch als Teschdmargd

Haßloch is Teschdmargd fer neie Markeardiggl un Konsumprodukte: Im Haßlocher Äänzelhonnel kommer schunn Zeich kaafe, wus wuonnerschder in Daitschlond erschd spooder se kaafe gibt. Ins Hasslocher Fernseh werrn demweeche äächens gedrehte Werwunge fer die neie Produkte oigeblend, un e paar Zaidunge gibts speziell mit Oozääche fer Haßloch. Demdeweesche hän a e paar Haßlocher e Kart, wu mer säähne konn, was die kaafen.

Die Gsellschaft fer Konsumforschung hott Haßloch demweeche ausgsucht, weil die Haßlocher faschd de daitsche Durschschnitt sin - z. B. beim Alder und in die soziale Schichte, un weil Haßloch so e Middelding isch zwische Dorf und Schdadt.

Websaide

•  Commons: Haßloch – Sammlung vun Bilder, Video un Audiodataie
•  Wikisource: Haseloch in der Topographia Palatinatus Rheni (Matthäus Merian) – Qwelle un Volltegschde
• Die Said vun Haßloch

Schdedte un G'moinde im Londkrääs Derkem

Ääbelsm | Aldloininge | Baddebersch | Bisserschm | Bobrum | Bockrem | Calsbersch | Daggrem | Daisem | Derkem | Dermschdä | Ellaschadt | Diefedaal | Elmschdä | Eschdel | Ewwerdsm | Forschd | Fränsem | Frlshm | Frongeegg | Gennem | Gerolsm | Grinnschdadt | Grooßkalbach | Haßloch | Herxem | Hettrum | Kallschdadt | Kärschm | Kinnrem | Kläkarlbach | Lamersche | Lindebersch | Lombreschd | Meckrem | Merdesm | Naidefels | Neiloininge | Niedakersche | Owerkum | Owersilse | Queerem | Rubbadsberg | Wachrem | Waddrem | Waidedaal | Weisrem (Weisemberg) | Weisrem (Weisemsand)