اسلامی کیلنڈر
From Wikipedia, the free encyclopedia
اسلامی کلنڈر، مسلم کلنڈر یا ہجری کلنڈر اک قمری تقویم اے، جس وچّ سال وچّ باراں مہینے تے 354 یا 355 دن ہندے نیں۔
ایہ نہ صرف مسلمان مُلکاں وچّ رائج اے بلکہ اسنوں پوری دنیا دے مسلمان وی اسلامی مذہبی تقریبات نوں مناؤن دا ٹھیک وقت متھن لئی استعمال کردے نیں۔ ایہ سورجی کلنڈر نالوں 11 دن چھوٹا اے اس لئی اسلامی مذہبی متیاں، جو کہ اس کلنڈر دے مطابق متھیاں ہندیاں نیں، ہر سال پچھلے سورجی کلنڈر نالوں 11 دن پچھے ہو جاندیاں نیں۔ ایہنوں ہجر یا ہجری وی کہیا جاندا اے کیونکہ ایہدا پہلا سال اوہ سال اے جس وچّ حضرت محمدصلی اللہ علیہ و آلہ وسلم نے مکہ شہر توں مدینے نوں ہجرت کیتی سی۔ ہر سال دے نال سال گنتی توں بعد وچّ H جو ہجر نوں دسدا اے یا AH (لاطینی: ایہنوں ہجری (anno Hegirae) (ہجر دے سال وچّ) لایا جاندا اے۔[1] ہجر توں پہلاں دے کجھ سال (BH) دا استعمال اسلامی تریخ نال منسلک واقعات دے حوالے لئی لایا جاندا اے، جِداں حضرت محمدصلی اللہ علیہ و آلہ وسلم دا جنم لئی 53 قبل ہجرت ۔
قمری ہجری تقویم نوں بعض ملکاں وچ اسلامی تقویم وی کہیا جاندا اے۔ ہجری تقویم توں مراد تواریخ دا حساب حضرت محمد صلی اللہ علیہ و آلہ وسلم دی مدینہ دی طرف ہجرت توں لاؤنا اے۔ اس وچ جو مہینے استعمال ہُندے نيں اوہناں دا استعمال اسلام توں پہلاں وی موجود سی۔ جس وچوں محرم پہلا مہینا اے۔ چونکہ اک قمری تقویم اے لہذا ایہدا ہر مہینا چند نوں دیکھ کے شروع ہُندا اے۔ سال دا کل دورانیہ 354.367056 دن تے اک ماہ دا کل دورانیہ 29.530588 دن اے۔