From Wikipedia, the free encyclopedia
شارک سمندری مچھیاں دا اک ٹبر اے۔ ایناں دا ٹانچہ مڑکنی ہڈیاں دا ہوندا اے۔ سر دے پاسیاں تے 5 توں 7 سآ لین دے مگورے ہوندے نیں۔ ایہناں دے دند اگر ٹٹ جان تے نویں اگ آندے نیں۔ شارک مچھیاں سمندر دے سب توں خطرناک شکاری نیں۔ شارک پچھلے 42 کروڑ وریاں توں ہیگی اے۔
شارک | |
سائنسی ٹولی | |
دیس: | جنور |
برادری: | کورڈیٹ |
ٹولی: | مڑکنی مچھیاں |
ونڈاں: | 500 |
شارک دیاں 470 نسلاں لبیاں جاچکیاں نیں۔ ہجے تکر لبھی جانوالی سب توں نکی شارک دی لمبائی 17 سینٹی میٹر / (6.7انچ) تے سب توں وڈی شارک ویل شارک دی لمبائی 12 میٹر ہیگی اے۔ شارک ہر سمندر وچ ریندی اے تے 2000 میٹر / 6600 فٹ دی ڈونگائی تک جاسکدی اے۔ اک دو نوں چھڈ کے ساریاں لونے پانی دیاں رہن والیاں نیں۔ایہناں دی کھل تے نکے دندے لگے ہوندے نیں جیہڑے ایہناں نوں پھٹڑاں، دوجیاں تے جینوالے جنوراں توں بچاندے نیں۔
شارک 500 دے نیڑے مچھیاں دی اک پتی اے جیہڑی وکھالے تے ناپ وچ آپس وچ وکھریاں نیں۔ سب توں نکی شارک نکی شارک اے جیہڑی 16 توں 20 ےینٹی میٹر لمی تے 150 کرام دی ہوندی اے۔ ایہناں وچ سب توں وڈی ونڈ وہیل شارک اے جیہڑی 14 میٹر لمی تے 12 ٹن دی ہوندی اے۔ ماٹھی شارک پلانکٹن تے جیندی اے تے 10 میٹر تک لمی ہوندی اے۔
شارک دے بنن دے سبوت 450–420 ملین ورے پہلے اورڈوویشین ویلے وچ ملدے نیں تے اودوں ہجے سکی زمین تے کنگریڑے وی نہیں سن تے نہ ای کی بوٹیاں نے زمین تے وسنا شروع کیتا سی۔ اوس ویلے دیاں شارکاں دے چانے ای لبے نیں تے کئی پرانے ویلیاں دے گروواں دا کیہنا اے جے ایہ شارکاں نہیں سن۔ 42 کروڑ ورے پہلے سیلورین ویلے وچ ملن والے چانے شارکاں دے لگدے نیں۔ پرانیاں شارکاں اجکل دیاں شارکاں توں وکھ لگدیاں نیں۔ اجکل دیاں شارکاں 10 کروڑ ورے پہلے بنن وج آئیاں۔ سب توں نیڑے بنن والیاں وچ تھؤڑا سر ٹبر آندا اے جیہڑا ایوسین ویلے وچ سامنے آیا۔ چٹیاں شارکاں دے ملنوالے سب توں پرانے دند 60 توں 66 ملین ورے پرانے نیں تے ایہ اوہ ای ویلہ سی جدوں ڈائینو سار مکے سن۔ ایس ویلے شارکاں بہت وڈے ناپ تکر اپڑیاں۔ ایہ شارکاں وہیلاں دیاں شکاری سن۔
شارکاں دیاں 470 ونڈاں نیں جیہڑیاں 13 ٹولیاں وچ ونڈیاں ہویاں نیں جنہاں وچوں 4 ٹولیاں مک چکیاں نیں۔[4]
میکرل شارک · لالٹین شارک · ریکویم شارک · تھؤڑاسر شارک · ویل شارک · گاں شارک · کنڈیالی شارک · آرا شارک · بلی شارک
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.