گوفن

گوفن یا فلاخن (sling) اک پروجیکٹل ہتھیار اے جو رسّی ناݪ بݨیا ہُندا اے، جس وچ پتّھر یا مٹّی دے گوݪے رکھ کے جانوراں نوں اُڑایا جاندا اے یا حریف نوں ماریا جاندا اے۔ ایہنوں فلاخن وی کہیا جاندا اے۔

گوفن

گوفن

اک گوفن وچ دو برقرار رکھݨ آݪیاں ڈوریاں retention cords دے وچاݪے اک چھوٹا جیا چعھولا یا تھیلی ہُندی اے۔ اک پروجیکٹل تھیلی وچ رکھیا جاندا اے۔ رسیاں دے اک سِرے دے آخر وچ اک لوپ ہُندی اے۔ گوفن دے ڈیزائن اُتے منحصر اے، درمیانی اُنگݪی یا کلائی نوں اک ڈوری دے سِرے اُتے لوپ دے ذریعے رکھیا جاندا اے تے دوسری ڈوری دے آخر وچ انگوٹھے تے شہادت دی اُنگݪی دے درمیان اک ٹیب رکھی جاندی اے۔ گوفن اک قوس وچ چعھول جاندی اے تے ٹیب نوں عین وقت اُتے چھڈیا جاندا اے۔ ایہ عمل ہدف تک پرواز کرن لئی پروجیکٹل نوں چھڈدا اے۔ ایہدے ڈبل پینڈولم حرکت دے ذریعے سٹݨا، پتھراں نوں اس قابل بݨاؤندا اے کہ اوہ اک ہتھ ناݪ سٹے جاسکدے نیں۔

گوفن سستی تے بݨاوݨ وچ سوکھی اے۔ تریخی طور تے ایہ شکار، کھیل تے لڑائی وچ استعمال ہُندی رہی اے۔ اَج گوفن جنگݪ وچ بقاء دے اک اوزار تے اک ہتھیار دے طور تے دلچسپی دا باعث اے۔^[1]

ہور دیکھو

• منجنیق
• گلیل

حوالے

1. Savage, Cliff (2011). The Sling for Sport and Survival. Boulder, Colorado: Paladin Press, 60–61. ISBN 978-1-58160-565-5.