From Wikipedia, the free encyclopedia
'A Mappe de Soleto jè 'a cchiù andica mappe sciugrafeche occidendale ca avène da l'andichità classeche.
Sta vôsce jè parte d'a serie Storie d'a Pugghie |
Vôsce prengepàle
Storie de le cetate
Categorije: Storie d'a Pugghie |
|
Se tratte de 'nu stuezze de 'nu vase attiche smaltate de gnure, 'nu ostrakon ca tène dimenziune de appene 5,9 cm pe 2,9 cm e sus a 'u quale jè ingise 'a linèe costiere d'a penisole salendine inzieme a doje toponeme grece e undece toponeme indiggene, addò le posiziune sonde indicate da de le punde. Se recanoscene le nnome de Tarde scritte in greche (Τάρας, Taras) e de Otranto, Nardò, Ugento, Soleto e Leuca scritte in messapiche, eppò a le late sonde indicate jndr'à 'nu mode schemateche 'u Mare Ionio e 'u Mare Adriatiche ca tènene cumme sione 'nu sigma a quattre trattte.
L'oggette ha state scuperte a l'inderne de 'nu granne edificie messapiche 'u 21 agoste 2003 a Soleto (LE) da l'archeologhe d'u Bèlge Thierry van Compernolle, de l'Università de Montepellier in Frange, durande le scave archeologgiche e testimonie le relaziune esistende 'mbrà le Iapige, le Messapi e le Grice jndr'à 'u V sechele n.C., ca no sembre onne state approfunnite da 'a predominande tradiziona letterarie greche-romane.
Da l'analise epigrafeche e da l'aspette alfabbeteche de le toponeme trascritte sus a l'ostrakon, s'à stabbelite cumme l'abbreviazzione d'u toponeme "Graza" (ca pò essere Gallipoli) non g'è alfabbete greche ma, jè 'n'otre alfabbete greche arcaiche de tipe russe[1] ca ere ausate a Tarde. Le studiuse Carlo De Simone e Mario Lombardo, dicene 'nfatte ca sulamende 'u toponeme "Taras" jè scritte in alfabbete greche. Rrete a sta scuperte allore, se sconne 'a date de quedda ca ha state certamende 'a prima parlate tarandìne cu tutte le peculiaretà linguisteche sue, cioè chidde de tipe lessicale, morfologgiche, foneteche e de indonazione.
'A mappe demostre pure cumme le andiche Grece erene assaije inderessate a 'a rappresendazione de aree avveramende esistende apprime angore de le Romane e, allore 'a scuperte ripropone a le storeche 'u probbleme de reconziderà le inizie de l'andica cartografije. 'Nfatte 'a maggior parte de le mappe classeche esistende sonde romane e sonde datate apprisse a nascite de Criste.
In Messapiche | sus a mappe | In latine (teste de Plinio lib.III,11) | Località tagliàne | in tagliàne |
---|---|---|---|---|
Hydrus | (ΗΥΔΡ) | Hydruntum | Otranto | Otranto |
Taras | (ΤΑΡΑΣ) | Tarentum | Tarde | Taranto |
Baletium | (ΒΑΛ) | Aletium | Alezio | Alezio |
Oian | (ΟΙΑΝ) | Uzentum | Ugento | Ugento |
Nar | (ΝΑΡ) | Neretum | Nardò | Nardò |
Sol | (ΣΟΛ) | Soletum desertum | Soleto | Soleto |
Mios | (ΜΙΟΣ) | Muro Leccese | Muro Leccese | |
Sty | (ΣΤΥ) | Cavalline ?? | Cavallino ?? | |
Lios | (ΛΙΟΣ) | Leuka ( in Strabone VI 6.3.5) | Cape de Leuca | Capo di Leuca |
Lik | (ΛΙΚ) | Castrum Minervae | Castro | Castro |
Basta | (ΒΑΣ) | Basta | Vaste | Vaste |
Graxa | (ΓΡΑΧΑ) | Callipolis,quae nunc est Anxa | Gallipoli | Gallipoli |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.