Cuba
From Wikipedia, the free encyclopedia
Remove ads
'A Repubbleche de Cuba jè 'nu arcipelaghe de le Caraibe settendrionale, acchiate 'mbrà 'u Mar de le Caraibe, 'u Gurfe d'u Messiche e l'oceane Atlandiche. Verse nord se iacchene le State Unite e Bahamas, ad ovest 'u Messiche, a sud le Isole Cayman ed 'a Giamaiche, e a sud-est Haiti.
.svg)
Remove ads
Etimologgije
'U nome Cuba avène da cubao, parole de lle indiggene Taino 'u cui segnefecate se pòte ccu traduce cchiù o mènde cu "addò se iacchie terrene fertile".[2]
Sciugrafije
Cuba non g'ète sulamènde 'na isole, me pure 'nu arcipelaghe ca combrende quase 4200 isole e isolette ditte cayos ca circunnane l'isole prengepále. Jè acchiate jndr'à vanne settendrionale d'u granne arcipelaghe de le Caraibe e jè 'a soje isole cchiù granne. A nord se iacchiene le State Aunìte, scucchiáte da Cuba d'ô Stritte de Florida larije sule 180 km e l'Oceane Atlandiche Settendrionale.
A ovest se iacchie 'u Canale d'ô Yucatán ce 'a scucchie da 'u continende cendre-americane, a sud 'u Mar de le Caraibe e ad est 'u canale Sopravento ce 'a scucchie da Haiti. 'A Repubbleche occupe le 'ndere isole, e le varie isolette ce 'a circunnane, cumme l'Isole d'a Giovendù (Isla de la Juventud), cu l'eccezione d'a Baie de Guantanamo, 'na base navale ce jè state lassate accume "prestite" a lle State Aunìte jndr'ô 1903.
Morfologgije
'U soje territorie jè prevalentemènde chianeggiande, cu colline e mundagne ca se spànnene pe' 'a maggior parte jndr'à vanne sud-oriendale. Jndr'à vanne occidentale, correspondente ad 'a provinge de Pinar del Río, se spanne 'na cordigliere ca se allunghe parallele ad 'a coste pe' 180 km. Aqquà 'u paisagge jè caratterezzate da le Mogotes de Jumagua, scoscese formaziune calcaree a pan de zucchere, recuperte de vegetaziune. Totte 'a coste meridionale jè sormondate d'a catena monduose cchiù ìrte de ll'isole, 'a Sierre Meste, ca se iacchie scoscese sus 'u litorale. 'A mundagne cchiù ìrte, cu lle soje 1984 metre jè 'u Pico Real del Turquino.
L'isole jè longhe 1250 km cirche, mendre 'a larijèzze jè assaje piccele, jndr'ô soje punde massime, jndr'à provinge de Camagüey jè de 120 km me sulamènde de 31 jndr'à provinge de L'Avana. 'U granne sveluppe costiero, de cchiù de 3500 km, offre 'na ambie varietate de paisagge marine, d'a costiere rocciose vasce ed allongate, a quèdde ìrte e cu dirupe, me specialmènde 'na smisurate distese de praje de réne coralline a vôte granulose, me a vôte pure finissime ed 'mbalpabbele. 'A barriere coralline, ca se spànne a ll'esterne de ll'arcipelaghe de Camagüey, jè, cu le soje 400 km de grannèzze, 'a seconne d'u munne pe' 'mbortanze dope quèdde australiane. Jndr'ô sveluppe d'a coste se iacchiane profunnde ed ambie 'nzenature ca costituiscone bacine portuale naturale de 'nu valore e de 'na bellèzze granne assaje, sede de le puèrte commerciale storeche de Cuba cumme L'Avana, Santiago de Cuba e Cienfuegos.
Le jume sonde caratterizzate da 'nu corse assaje breve, date 'a forme stritte e allongate de ll'isole. Sonde però ricche d'acque, pure ce 'u lòre reggime jè determinate da lle chiogge: alcune tènene tratte ca se spànnene d'abbasce 'a tèrre a cause d'a formaziune carseche d'u terrene. 'U cchiù longhe jè 'u Rio Cauto (370 km) ce, a defferenze de lle otre, scorre jndre 'nu senze longetudenale. Le soje sorgende se iacchiene jndr'à Sierre Meste e sfoce jndr'ô gurfe de Guacanayabo. 'U Rio Toa furme 'nu munne de cascate e, essenne ricche de acque, jè sfruttate pe' 'a produziune de energije elettreche.
Clime
'A furme allongate de ll'isole, 'a soje disposiziune sus a ll'asse est-ovest ed 'a piccele defferenze de latitudene 'mbrà le soje estremitate, fàcene devendà l'isole uniforme da 'u punde de viste climateche, caratterezzate da 'u soffie costande de lle Alisèe ca tènene origgene da ll'Oceane Atlandiche. 'U clime tropicale avène scucchiáte jndre dò staggione, secche jndr'ô periode 'nvìernale, da novèmmre ad abbrìle e umide da másce a ottommre. Le temberature sonde combrese 'mbrà 20° e 30° e le precipitaziune sonde abbondante e de forte 'ndensetate jndr'ô periode estive.
'A temberature da ll'acque d'u mare, pure pe' 'a presenze d'a vicine corrente d'u Gurfe, stè cange 'mbrà lle 26° de 'nvìerne e le 28-30° d'u periode estive. Duranne 'a staggione umide, n'particulare 'mbrà settèmmre ed ottommre, se pòtene ccu verifeche le uragane, sisteme depressiunare assaje profunne, de grannèzze variabbele 'mbrà lle 150 e le 600 km de diametre, ca riessene ccu sveluppe vìende de 'na granna 'ntenzetate (fine a 300 km/h) e chiogge torrenziale inondande, ca causane grave prubblème ad 'a popolazzione cubane.
Remove ads
Ordinamènde d'ô state
Suddivisiune amministrative
 |
Pe approfondimende, 'ndruche le vôsce Provinge de Cuba e Comune de Cuba. |
Cuba jè scucchiáte jndre 15 provinge comboste da 169 municepaletate e da 'na municepaletate speciale (l'Isole d'a Giovendù, o Isla de la Juventud canosciute fine ad 'u 1978 cumme Isla de Pinos).
|
| |
|
|
Demografije
Pop. = Populazione Fonte: Cenzimènde Cubane d'u 2002 [3]
Remove ads
Note
'Ndruche pure
Otre pruggette
Collegaminde fore a Uicchipèdie
Wikiwand - on
Seamless Wikipedia browsing. On steroids.
Remove ads