From Wikipedia, the free encyclopedia
Оравска преграда, Oravská priehrada слов. — акумулачный водный резервоар, выставленый на сутоку рѣк Бѣла Орава и Чорна Орава в Жилинском краю Словакии. При цѣлком наповненом станѣ резервоара невелика часть водной плохы заходить на територию Польщи.[1]
Оравска преграда | |
---|---|
Oravská priehrada слов. | |
Полога | |
Континент | Европа |
Держава | Словакия |
Регион | Жилинскый край |
Окресы | Наместово, Тврдошин |
Резервоар Орава в Жилинском краю | |
Координаты | 49°22′56″N 19°33′28″E |
Розмѣры | |
Розлога | 35 км2 |
Объем | 0,35 км3 |
Базен | 1181,7 км2 |
Глубина мкс | 38 м |
Глубина срд | 15 м |
Параметры преграды | |
Рок | 1953 |
Преграда | бетонова |
Инше | |
Тип объекта | акумулачный резервоар |
Надм. вышка | 601 м н. м. |
Приток воды | Бѣла Орава, Чорна Орава |
Одток воды | Орава |
Островы | Сланицкый остров |
Оравска преграда на Викискладѣ |
Параметры водной ставбы и електрарнѣ суть тоты.[2]
До выставбы акумулачной преграды регуларны повѣнѣ чинили великы шкоды. Напримѣр, в року 1813 повѣнь забрала 180 людскы животы и 7000 кусох худобы.[3]
Первый проект преграды на Оравѣ появив ся року 1870, наступный — в часѣ Первой свѣтовой войны, а земляны роботы зачали ся в року 11. октобра 1941. Указало ся вшак, же подошва мать геологичный розлом и слабый грунт, зашто проект мусѣв быти скоректованый и роботы ся зачали наново в року 1943. По десятьох роках, 2. мая 1953 быв зачатый пробный ход первой турбины. Вшыткы ставебны роботы были завершены в року 1954.[2]
В року 1997 цѣлый ток Оравы быв выголошеный за храненый ареал з розлогов 4 417 463 м2 и ступньом охраны 4. Объектом охраны суть рѣчны екосистемы, а цѣльов — створѣня биокоридора надрегионалного вызнаму з великым богатством видох фауны и флоры и храненых организмох.
Орава — една з найчистѣйшых рѣк Словакии. Оравска преграда — популарный туристичный объект, переважне число туристох приходить за Словакии, Польщи и Чех.[4]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.