In vino veritas
From Wikipedia, the free encyclopedia
In vino veritas, in aqua sanitas лат. — во винѣ правда, во водѣ здоровля. Латинска пословиця. Непрямый вызнам первой части тот, же опилый чоловѣк стратить самоконтролу, ай повѣсть правду.[1] Первый раз стрѣчать ся у давногрецкого поета Алкея (Alkaios).[2] Латинску форму, як ся поважуе, упоминать первый раз Плиний Старшый (Gaius Plinius Secundus), давноримскый филозоф и природознатель.[3] Друга часть фразы была додана позднѣйше, жебы ся выслов не брав за осправедливлѣня пияцтва.