Алманах
From Wikipedia, the free encyclopedia
Remove ads
Алмана́х (од араб. ألمناخ ал-манах — астрономичный календарь), в минулости — непериодична зберька вшелиякых хосенных зналостей, куриозных або информативных, часто тематичных; в сучасности — зберька литературных дѣл, объединеных подля конкретной темы, жанра, региона, групы авторох.[1]
Русинскы алманахы
В русинской литературѣ алманахы мають свою традицию.
- 1924–1932 «Талергофскій альманахъ…»
- Выдавана во Львовѣ зберька повѣдань очевидцьох за живот в Талергофском интерначном лагрѣ и репресии Австро-Мадярскых властей над москвофилами в Галичинѣ, Буковинѣ, Лемковинѣ и Подкарпатю в часѣ Першой свѣтовой войны.
- 1926 «Альманах письменников Подкарпатскоѣ Руси „Трембѣта”»[2]
- Проза, поезия од лѣпшых подкарпатскых авторох, пишучых по украинскы.
- 1931 «Ювилейний Альманах Союзу підкарпатських руських студентів у Празі»[3]
- Мемуары, публицистика, политика, кус прозы, история од авторох Союзу, украинской ориентации; выданый ку 10-рочу Союза (1921–1931).
- 1933 «Альманахъ Возрожденцевъ»
- Зберькы прозы, поезии, публицистикы, литературной критикы, социалных тем — выдаваны в Празѣ подкарпатскыма штудентами, членами Общества «Возрожденіе», прорусской ориентации. В року 1939 общество закрыто нѣмецков окупачнов владов, а его материалны активы конфишкованы.[4]
- 1936 «Альманах Общества К. С. Возрожденіе»
- Проза, поезия, публицистика, мемуары, история, етнография и др. (другый алманах Общества Карпаторусских Студентов «Возрождение»).[5]
- 1936 «Альманах підкарпатських письменників»
- Зберька поезии и прозы, выдана в Севлюшу подкарпатськыма писателями проукраинской ориентации.[6]
- 1941 «Шаги. Альманах мукачевской литературной школы»[7]
- Зберька прозы и поезии неполиграфичного выданя, прорусской ориентации.
- 2003… «Русиньскый літературный алманах на рік 20хх»[8]
- Проза, поезия, публицистика, литературна критика, писательскы профилы, некрологы. Выдавать од року 2003 Сполок русинскых писательох Словакии.
- 2019… «Алманах днешньої русинської літературы»
- Каждорочный часопис, котрый ся од року 2019 выдае «Русинськым културолоґічным клубом» на Подкарпатѣ и обсягуе сучасны литературны творы подкарпатскых русинскых писательох головно белетристичного характера — прозу, поезию; пораз дае до друку ай иншакого филя творы, наприклад топонимичны материалы.
Remove ads
Жерела и одказы
- Поп И. Энциклопедия Подкарпатской Руси. Ужгород: Изд-во В.Падяка, 2001. 431 с. ISBN 966-7838-23-4
- Прохоров А. М. (гл. ред.). Большой энциклопедический словарь. Москва: Советская энциклопедия, 1993. 1630 с. ISBN 5-85270-015-0
Референции
Wikiwand - on
Seamless Wikipedia browsing. On steroids.
Remove ads