Русинськый културолоґічный клуб
From Wikipedia, the free encyclopedia
Remove ads
„Руси́нськый културолоґі́чный клуб“ (авадь май курто „Ру́син-Клуб“) є недержавна русинська общественна орґанізація на Пудкарпатьови. Межи видами діятелности „Русин-Клуба“ сут: популаризація русинської културы тай бесіды, орґанізація научных конференцій, подій на честь ручниць вызначных про русинськый народ дат, научна робота, удаваня літературы, у тум числі періодичної, ги наприклад „Отцюзнина“ тай „Алманах днешньої русинської літературы“.
Закладеный 28. юлія 2019. рока тай офіціално зареєстрованый 29. авґуста того такой року[1] „Русинськый културолоґічный клуб“ є єднов из майактивных сучасных русинськых общественных орґанізацій.
Remove ads
Діятелность
Журнал „Отцюзнина“
Културно-белетричный журнал, котрый уходит поквартално. Раз ся удавав уд юлія 2016. по октовбер 2018. а пак — вдяку ініціативі „Русинського културолоґічного клуба“ тай фінансованю Карпаторусинського научного центра в Ню Йоркови — уд авґуста 2023. и дале. На днешньый день журнал обсягує булше матеріалув публіцистичного тай научно-історичного характера ги белетрії позад того, ож белетрія уходит у літературному „Алманахови“.[2]
У журналови ся печатавут як члены „Русин-Клуба“: Юрій Шипович, Марян Токарь, Петро Габрин, Іґорь Прохненко — так и другі пудкарпатські академікы, такі ги: Володимир Фенич, Михаил Зан, Павел Пеняк, Павел Леньо; а щи русинські діятелі тай академікы з за гатара, ги Петро Медвідь тай професор Павел Роберт Маґочій.
„Алманах днешньої русинської літературы“
Періодичноє белетричноє уданя, котроє уходит раз у рук зачинавучи 2019. роком тай обсягує головно сучасні прозові тай поетичні творы разных русинськых писателюв Пудкарпатя, айбо пораз публікує творы и другых жанрув — наприклад роботы за топоніміку уд Михаила Капраля, як ото было у „Алманахови“ за рук 2022.[3]
Remove ads
Референції
Wikiwand - on
Seamless Wikipedia browsing. On steroids.
Remove ads