Анна Сервицка

Анна Сервицка, словац. Hanka Servická, * 9. октобер 1962, Кружльовска Гута, окрес Бардѣйов — спѣвачка людовых русинскых и шаришскых спѣванок, а тыж русинскых и словацкых духовных пѣсни.^[1][2]

Анна Сервицка
Увидьте фото
Закладны информации
Уроджѣня	октобра 9., 1962 (1962-10-09) (63 р.) Кружльовска Гута, окрес Бардѣйов
Походжѣня	Русинка
Жанры	людовка, духовна спѣванка
Веб-сайт	http://www.servicka.sk/

Биография

Родила ся 9. октобра 1962 в Кружльовской Гутѣ, окрес Бардѣйов, в родинѣ Яна Шведа и Гелены Мохнацкой. Выростала в сосѣдньом селѣ Герлахов. Закончила середню педагогичну школу в Пряшовѣ, а ту заложила и родину з Яном Сервицкым, з котрым мають двое дѣти: Ивана и Наталию. Жиють в Пряшовѣ.^[2]

По скончѣню педагогичной школы (1971–1981) была учительков в захоронцѣ и зачаточной школѣ (1981–1985, 1995–), а тыж ведучов спѣвачков професионалного Поддуклянского умѣлецкого людового сполку, словац. Poddukelský umelecký ľudový súbor (PUĽS) (1985–1989).^[1]

Сценичный живот

Група русинскых спѣвакох, А. Сервицка друга злѣва

Наступно выступовала з ансамблом Шаришан, а мала велми успѣшны и соловы концерты в Словакии и в заграничу, включно зоз США и Канадов (1999).^[1]

В ей репертоарѣ переважають темпераментны людовкы, а тыж лиричны, баладичны и марианскы пѣснѣ, з котрыма зыскала велику облюбу у слухачох. Активна зберателька и пропагаторка людовок, ньов объявлена спѣванка Крячок лялиовый перешла днесь до репертоару майже вшиткых людовых спѣвачок и спѣвакох. Авторка слов и мелодий многых спѣванок, котры злюдовѣли (Тече вода, тече и др.). Сполупрацуе з Оркестром словацкого радиа, концертуе з людовым ансамблом Шаришан, з людовыма ансамблами Мирослава Дудика, Йозефа Саланциго, Андрѣя Кандрача, Фолклорным ансамблом Прешовчан и другыма ансамблами.^[2]

Оцѣнѣня

Умѣлецка чинность Анны Сервицкой в пропагации традичной русинской и выходнословацкой културы оцѣнена званьом Честной Варощанкы од мѣста Пряшова (1995).^[1]

Жерела и одказы

• Paul Robert Magocsi. Servits'ka, Anna / Servická, Hanka. in Paul Robert Magocsi, Ivan Pop. //Encyclopedia of Rusyn History and Culture (Revised and expanded ed.). Toronto Buffalo London: University of Toronto Press, 2005. pp. 450–451. doi:10.3138/9781442674431. ISBN 0-8020-3566-3.англ.
• Medailón rusínskej osobnosti - Hanka Servická. Mesto Prešov. 2019-10-01. https://www.presov.sk/oznamy/medailon-rusinskej-osobnosti-hanka-servicka.html. [перевірено 20210-11].словац.
• Oficiálna stránka speváčky - www.servicka.sk