Великы Комяты

Великы Комяты — село в Береговском районѣ (бывшом Виноградовском районѣ)^[2] Закарпатской области Украины, центер сельской рады.^[3]

Администрация^[1]укр.

Великоком'ятівська сільська рада

90312, Закарпатська обл.,

Берегівський р-н,

с. Великі Ком'яти, вул. Волошина, 23

Село Украины Великы Комяты укр. Великі Ком'яти Герб Давны назвы Kumjath, 1345 Держава УкраинаУкраина Область ЗакарпатскаЗакарпатска Район Береговскый Громада Виноградовска ОТГ Координаты 48.238611, 22.97888948°14′19″ с. ш. 22°58′44″ в. д.48.238611° с. ш. 22.978889° в. д. (G) (O) (Я) Розлога 123[1] км² Вышка центра 131 м Обывательство 6 772[1] особ (2001) Часова зона UTC+2, влѣтѣ UTC+3 Телефонный код +38 03143 Поштовый индекс 90312 КОАТУУ 2121280901 Великы Комяты

Од року 2020 входить до Виноградовской громады.

Полога

Село лежить над рѣков Боржавов о 13 км на сѣвер од Виноградова.^[3]

История

Перва упоминка в историчных жерелах походить з року 1345.^[3][4] Парохия в селѣ упомянута од року 1574.^[4] В року 1790 на мѣстѣ старой деревяной церкви высвятили грекокатолицку муровану Михайловску. В роках 1906 высвятили другу грекокатолицку муровану церкву, Св. Духа,^[5] копировану зоз катедралного собора Амстердама.^[4] В року 1815 в приселку Малы Комяты высвятили третю грекокатолицку муровану церкву Жон-мироносиць.^[5]

Списованя року 1910 заевидовало 3139 обывательох, з того были: 2700 Русины, 414 Нѣмцѣ, 23 Мадяре; подля вѣры: 2718 грекокатолици, 414 израелиты.^[6]

Списованя року 1930 указало 3270 обывательох, а тоты были: 2868 Русины, 362 Евреи, 30 Чехы и Словаци, 5 Мадяре, 5 чужоземцѣ; подля вѣры: 2796 грекокатолици. В селѣ были нотарьскый, жандарьскый и поштовый уряды, русинска школа (6 клас) и чешска (4 класы).^[5]

Днешность

Село мaть середню школу, дом културы, водовод.^[4]

Вызнамны родаци

• Йоанн Фогараший (1786–1834), подкарпатскый русинскый етнограф, языкознатель, священик и педагог
• Василий Попович (1796–1864), епископ Мукачовскый
• Юлий Боршош-Кумятскый (1905–1978), поет, педагог
• Андрей Пушкаш (1923–2008), историк^[7][8]

Интересны факты

• В року 1970 в Боржавѣ сельскы рыбарѣ влапили гарча вагов 230 кг а довжков 3 м, котрый быв 36 рокы старый — тото было зафиксовано в Книзѣ рекордох Украины.^[4]

Жерела и одказы

• A történelmi Magyarország atlasza és adattára 1914 ISBN 963 85683 3 X Доступно онлайн
• Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. ISBN 978-966-671-374-5 укр.
• Тронько П. и др. (ред.) Історія міст і сіл України. Том 7. Закарпатська область. К. 1969. укр.
• Федака Сергій. Населені пункти і райони Закарпаття. Історично-географічний довідник. "Ліра". Ужгород, 2014. ISBN 978-617-596-158-2 укр. Одчитане 2020-05-18
• Облікова картка села Великі Ком'яти (по украинскы). ВРУ. http://w1.c1.rada.gov.ua/pls/z7503/A005?rf7571=11084. [перевірено 2020-05-18].