Виолончело

Виолончело, бесѣдно тыж чело — басовый инштрумент гусльовой родины, наладженый о едну октаву ниже виолы. Виолончелиста кладе виолончело на подлогу и грае на ньом сидячи.

История

Первотно, в XVI. сторочу, быв тото чисто ансамбловый инштрумент, дакус векшый и незграбнѣйшый од теперѣшного виолончела. Практика хоснованя виолончела яко солового инштрумента зачала ся около конця XVII. стороча, коли появили ся сонаты Доменика Габриелли (1659–1690), а за тым продовжила ся вдяка творбѣ Й. С.. Баха и далшых композиторох. В XVIII. сторочу вывинуло ся меншого розмѣра сучасне виолончело, а тыж еще меншы виды, котры нынѣ вышли з хоснованя. В оркестровой и коморной музицѣ виолончело, выконуючи соловы, а тыж теноровы и басовы партии, в добѣ двох сторочи зоставать другым подля важности смыковым инштрументом, заоставаючи лем за гуслями.^[1][2]

Етимология

Назва походить од ит. violoncello. Первый раз назва зафиксована в зберцѣ сонат од Дж. Ч. Аррести (Giulio Cesare Arresti), Венеция, 1665.^[1]

См. тыж

• Гуслѣ

Жерела и одказы

• Келдыш Г.В., ред. (1990). Виолончель (по русскы). //Музыкальный энциклопедический словарь. Москва: Советская энциклопедия. p. 109. ISBN 5-85270-033-9.
• ВИОЛОНЧЕЛЬ (по русскы). Энциклопедия «Кругосвет». https://www.krugosvet.ru/enc/kultura_i_obrazovanie/muzyka/VIOLONCHEL.html. [перевірено 2019-06-19].