Галицка совѣтска социалистична република

Галицка cоциалистична совѣтска република (ГССР) (укр. Галицька Соціалістична Радянська Республіка) — куртожиюча державна формация, выголошена 15. юла 1920 Галицкым револучным комитетом (Галревком) на части територии Галичины, добытой Червенов армадов в часѣ польско-совѣтской войны (1920). ГССР заникла 21. септембра 1920 з одводом Червеной армады.^[1]

Галицка социалистична совѣтска република Галицька Соціалістична Радянська Республіка ↓ юл 1920 – септембер 1920 ↓ застава
География
Главный город	Тарнополь
Обывательство
Народностне зложѣня	Поляци, Украинцѣ, Евреи
Языкы	польскый, украинскый, идиш
Набоженство	штатом пропагованый атеизм
Державна организация
Форма влады	совѣтска република
Взник	15. юл 1920
Заник	21. септембер 1920
Предходникы: Друга польска република Наступникы: Друга польска република

Територия

Териториално ГССР загортала Бережанскый, Борщаговскый, Бродовскый, Бучачскый, Гусятинскый, Залѣщицкый, Збаражскый, Зборовскый, Золочовскый, Подгаецкый, Рогатинскый, Скалскый, Теребовлянскый, Сокальскый, Тернопольскый, Чортковскый и, часточно, Бобрскый, Камянко-Струмиловскый, Перемышлянскый, Радеховскый повѣты на територии нынѣшных Тернопольской и Львовской областей.^[2]

Органы влады

Высшым органом влады републикы быв Галревком. Ему ся подпорядковали сельскы, мѣстечковы, повѣтовы ревкомы. Галревком сѣдлив в Тарнополю. На чолѣ Галревкома став Володимир Затонскый. Официалныма языками были польскый, украинскый, идиш.^[2] В дѣловодствѣ, вшак, Затонскый хосновав лем русскый язык.^[3]

Галревком быв сформованый 8. юла 1920 в Киевѣ. По приходѣ Червеной армады в Галичину, перейшов до Тарнополя (1. августа), а при контранаступѣ польского войска и одходѣ Червеной армады лишив Тернополь.^[4]

Политика влады

Политика влады была цѣлком координована з РСФСР. 15. юла 1920 Галревком выдав декларацию До працуючых цѣлого свѣту, до влад социалистичных совѣтскых републик и влад всѣх капиталистичных держав, 1. августа 1920 декрет О заведжѣню совѣтской влады в Галичинѣ. Далшыма декретами было ликвидоване приватне властництво на выробны средства, национализованы церковны маеткы и земля, а тыж организована надзвычайна комисия про бой з контрареволуциев.^[1]

Влада привезла з Киева банковкы з тризубом и вымѣньовала из за шпекулативным курзом, практиковала реквизиции и контингенты «на потребы Червеной армады», чим зыскала собѣ ненависть од обывательства.^[3]

Жерела и одказы

• Мартинов А. Ю.: Галицький революційний комітет 1920 (Галревком) // Енциклопедія історії України : у 10 т. / редкол.: В. А. Смолій (голова) та ін. ; Інститут історії України НАН України. — К.: Наукова думка, 2004. — Т. 2 : Г — Д. — Сс. 32-33. — ISBN 966-00-0405-2 Доступно онлайн
• Сливка Ю. Ю.: Галицька Соціалістична Радянська Республіка 1920 // Енциклопедія історії України : у 10 т. / редкол.: В. А. Смолій (голова) та ін. ; Інститут історії України НАН України. — К.: Наукова думка, 2004. — Т. 2 : Г — Д. — С. 29. — ISBN 966-00-0405-2 Доступно онлайн
• Камеристов Р.: 68 дней ГССР. Как Ленин с большевиками в Галичину хаживал. //Интернет-журнал «Фокус»
• Підкова І. І., Шуст Р. М.: Довідник з історії України (онлайн)