Донецька народна републіка

Донецька народна републіка (скорочено ДНР, рос. Донецкая Народная Республика, ДНР) — сепаратістічне штатне утворїня на выходї Україны, котре підпоровала і контролёвала Росія.^[4][5] В роках 2014–2022 екзістовала як самозваный штат, потім была Росіёв анектована як субєкт федерації. ДНР сі претендує теріторії Донецькой области Україны.^[6] Головным містом є Донецьк. Україна означує Донецьку народну републіку за «терорістічну орґанізацію на окупованій теріторії Донецькой области» и зачала проти ней «антітерорістічну операцію (АТО)» (укр. Антитерористична операція);^[7] подля україньской леґіслатівы, на означіня понятя «Донецька народна републіка» треба хосновати термін «окупаційна адміністрація Російської Федерації в окупованій Донецькій області».^[8]

Донецька народна републіка
рос. Донецкая Народная Республика
образок
Основна інформація
Країна	Росія
Адміністратівный центер	Донецьк
Найвекшы міста	на 23. фебруара 2022: Донецьк, Макіївка, Горлівка, Єнакієве, Харцизьк, Чістякове
Входить	на 23. фебруара 2022: 5 раёнів, 13 містьскых
Теріторія і обывательство
Хоснованя	7. апріля 2014
Урядный язык	російскый (урядный), україньскый (до 2020)[1][2]
Розлога	26 517 км²
Обывательство	2 244 547 (2020)[3]
Густота обывательства	84,63/км²
Етнічны ґрупы	Росіяне, Українцї
Офіціалны адресы
Вебова сторінка	днронлайн.рф
Мапа
полога

Історія

Процес ся зачав 7. апріля 2014, коли сепаратісты, як їх называть Україна, заяли будинок Донецькой облдержадміністрації,^[9] а наступно выголосили на 11. мая референдум о независлости своёй псевдреспубликы, котру назвали Донецка Людова Република.^[10]

13. апріля 2014 «дочасный презідент» Україны, Олександер Турчинов, выголосив зачаток антітерорістічной операції против незаконных збройных формацій із насаджінём збройных сил Україны.^[11]

11 мая на части теріторії Донбаса одбыв ся анонсованый референдум о независлости ДНР, на котрому, подля сепаратістів, около 90 % населїня, што пришло на референдум, проголосовали за независлость. На основі того проводця донецкых сепаратістів Денис Пушилин выголосив независлость «людовой републикы».^[12]

Російська Федерація удїлює сепаратістам ДНР всяку воєньску, економічну, торговну тай дипломатичну поміч, але самы російскы водці денонсують тот факт і выголошують, ож жителї Донбасу ведуть войну против «злочинного режиму» в Українї. Подля шацованя Crisis Group Europe and Central Asia Briefing N°79 (5 February 2016) тото обтяжує російскый буджет о $1 млрд рочно.^[13]

Донецька народна републіка з 2022 дістала узнаня од 3 членів штатів ОСН: Росія^[14], Сірія^[15], Северна Корея^[16].