Дубриничѣ

Дубриничѣ — село бывшого Перечинского района^[3] Закарпатской области Украины. В року 2001 мало 2.154 обывательох.^[2]

Село Украины Дубриничѣ Держава УкраинаУкраина Область ЗакарпатскаЗакарпатска Еврорегион Карпаты Громада Дубриничско-Малоберезнянска Координаты 48.804167, 22.48805648°48′15″ с. ш. 22°29′17″ в. д.48.804167° с. ш. 22.488056° в. д. (G) (O) (Я) Надморска вышка 167[1] м Обывательство 2154[2] особ (2001) Часова зона UTC+2, влѣтѣ UTC+3 Телефонный код +380 3145 Поштовый индекс 89210 КОАТУУ 2123281001 Дубриничѣ

Административа

Администрация^[2] укр.

Дубриницька сільська рада

89210, с. Дубриничі,

вул. Центральна, 55;

тел. 5-32-68

Сельской радѣ подряджене тыж село Пастилкы.^[4]

Од року 2020 входить до Дубриничско-Малоберезнянской громады.

История

Перва упоминка в историчных жерелах о селѣ Dubrinics^[5] походить з року 1427.^[4]

В року 1910 (мадярска доба) зоз 1513 обывательох были: 1266 Русины, 182 Мадяре, 49 Нѣмцѣ. З того 1258 грекокатолици, 103 израелиты. До Трианона село належало ку Перечинскому округу (Perecsenyi járás) жупы Унг.^[5]

В року 1930 (чехословацка доба) зоз 1656 обывательох села Dubriniče (Bercsényifalva) были: 1439 Русины, 101 Евреи, 55 Чехы и Словаци, 11 Мадяре, 5 чужоземцѣ. Грекокатолицка громада числила 1459 особ и мала муровану церкву Успѣня Пресвятой Богородицѣ з року 1794. Штатны инштитуции: пошта, телеграф, телефон, жандарска станиця, лѣсорубный уряд, русинска школа (4 класы), чешска школа (1 клас). Транспорт: желѣзнична штация.^[6]

15. марца 1939 село окуповало мадярске войско, и фашистичный режим мобилизовав селян на рубаня лѣсу. По установлѣню совѣтско-мадярской границѣ в осени 1939 од мобилизации и репресий девятеро селян утѣкли до СССР (там были засуджены яко мадярскы шпионы и посланы до лагрох). 22. октобра 1944 Червена армада выслободила село и установила военну администрацию, котра поступовала так, якбы была на властной територии: нараз отворила сѣмрочну школу, сельскый клуб, библиотеку; везирство 4. Украинского фронту отворило в Дубриничу медицинску амбуланту, передало там безплатны лѣкы, дезинфекчны приправы ай инше, а до Червеной армады забрало (доброволно) 32 селян. В року 1946 створили деревопромыслове газдовство, «Дубриницький ліспромгосп» укр., а в апрѣлю 1948 — земледѣлске дружство, первый в Перечинском округу «колгосп ім. В. І. Леніна» укр.. В апрѣлю 1955 лѣсорубы передчасно завершили 5-рочный план и дали державѣ 38,2 тысячѣ кубикы надплановой деревины.^[4]

Вызнамны родаци

• Антон Кашшай (1921–1991), подкарпатскый малярь.^[4]

Жерела и одказы

• A történelmi Magyarország atlasza és adattára 1914 ISBN 963 85683 3 Xмад.
• Божук Г. В., Герич Ю. С.: Дубринич //Тронько П. и др. (ред.) Історія міст і сіл України. Том 7. Закарпатська область. К. 1969. Сс. 453–462.укр.
• Достал Я.: Підкарпатська Русь. (Закарпаття періоду Чехословацької республіки 1919–1938). Ужгород, 2014. ISBN 978-966-671-374-5 Сс. 132–133. укр.
• Облікова картка: Дубриничі. Cайт Верховной рады Украины. http://gska2.rada.gov.ua/pls/z7503/A005?rf7571=11464. [перевірено 2021-03-04]. укр.
• Інформер: Дубриничі. http://weather.in.ua/ua/zakarpatskaja/7447. [перевірено 2021-03-04].укр.