Ернест Контратович
From Wikipedia, the free encyclopedia
Remove ads
Ернест Контратович, укр. Ернест Рудольфович Контратович, * 17. май 1912, Кална Розтока, жупа Земплин, Мадярске кральовство (дн. Словакия) – † 23. децембер 2009, Ужгород, Закарпатска область, Украина — подкарпатскый малярь и педагог.[1][2]
Remove ads
Биография
По закончѣню народной школы в родном селѣ, де его отець быв учительом, Ернест одышов до Ужгорода, намѣряючи ся тыж добыти фах учителя в пѣвцоучительской семинарии (1928–1932), в якой тогды директором быв Августин Волошин, а мальованя выучовав Адалберт Ерделий. Стямивши здатность Ернеста до мальованя, Ерделий го припросив до своей приватной Публичной школы рисунку, де выучовав тыж Йосиф Бокшай, и так малярство и робота педагога стали ся обсягом его цѣлого живота. В роках 1932–1942 учительовав по селах Ужанской верховины — Луг, Сухый, Ужок.[2]
В часѣ войны быв мобилизованый до мадярского войска, але неодовго трафив до заятя. В року 1945 активно ся зучастнив створѣня малярского училища и малярского сполку, а од року 1946 став ся сполузакладательом закарпатской секции Сполку малярьох Украины и преподавательом Ужгородского умѣлецко-промыслового училища.[2] До року 1960 выучовав ту рисунок, мальбу, композицию, а его учениками были Юрий Герц, Иван Илько, Володимир Микита идр. В роках 1960–1972 працовав в Ужгородскых умѣлецко-выробных майстернях.[1]
В комунистичной добѣ Ернест Контратович осторонив ся навязованого владов соцреализма, зоставаючи при пейзажах и сценах людовых традиций, а так, поважованый за чудака, быв мимо фокуса увагы. Интерес ку его творбѣ вырос од 1970-х, коли зачав активно ся выставляти в Киевѣ и заграничу. Зачали о том писати ведучы умѣлствознателѣ Украины, а наконець пришло ай официалне вызнаня — званя Заслуженого умѣлця Украины.[2] В року 1991 быв оцѣненый званьом Народный умѣлець Украины, а в року 2007 — орденом князя Ярослава Мудрого 5-го ступеня.[1]
Remove ads
Творба
Первой выставкы ся зучастнив в року 1938.[1] Продовжовав традиции Подкарпатской школы малярства и въедно з тым створив свой властный напрям експресионизма зоз сериов образох, указуючых драматичны моменты живота карпатскых верховинцьох (Свячѣня воды 1938, Одпровод бѣдняка 1939, Смутны мелодии 1940, Ведуть арештованых 1943) и двома епичныма циклами Карпатскы мадоны и Еврейскы теметовы.[3][4]
По року 1945 лишив ся социалных тем и зображовав пейзажы и генерализованы жанровы сцены людовых традиций, без портретной конкретизации и детализации облечѣня. В своих образах досягать высокой майстерности. Полотна Контратовича розкуповують украинскы музеи.[2]
Персоналны выставкы: Ужгород (1967, 1972, 1987, 1997), Киев (1973, 1975–76, 1982, 2001), Бардейов (1973–74), Пряшов (1975–76), Великый Березный (1977).[1]
Remove ads
Жерела и одказы
- Ivan Pop. Kontratovych, Ernest. in Paul Robert Magocsi, Ivan Pop. //Encyclopedia of Rusyn History and Culture (Revised and expanded ed.). Toronto Buffalo London: University of Toronto Press, 2005. p. 246. doi:10.3138/9781442674431. ISBN 0-8020-3566-3.англ.
- Контратович Ернест Рудольфович (1912-2009), народний художник України. Закарпатська академія мистецтв - офіційний сайт. 2021-05-28. http://artedu.uz.ua/2204-kontratovich-ernest-rudolfovich-1912-2009.html. [перевірено 2022-05-08].укр.
- Иван Поп. Контратович Эрнест. in Иван Поп. Энциклопедия Подкарпатской Руси. Ужгород: Изд-во В. Падяка, 2001. С. 218. ISBN 966-7838-23-4. http://history.org.ua/LiberUA/966-7838-23-4/966-7838-23-4.pdf.русс.
- Юрченко-Микита О. В.. Контратович Ернест Рудольфович. // Енциклопедія Сучасної України: електронна версія [онлайн] / гол. редкол.: І. М. Дзюба, А. І. Жуковський, М. Г. Железняк та ін.; НАН України, НТШ. Київ: Інститут енциклопедичних досліджень НАН України, 2014. https://esu.com.ua/search_articles.php?id=5047. [перевірено 18.05.2022].укр.
- Контратович Ернест (1912-2009), укажка з творбы. Brovdi Art. https://zakarpat.brovdi.art/khudozhnyky/klasyky-zakarpatskoi-shkoly/kontratovich-ernest#parentHorizontalTab2. [перевірено 2022-05-19].укр.
Референции
Wikiwand - on
Seamless Wikipedia browsing. On steroids.
Remove ads